Өзекті мәселелер

  • 13.12.18

    Жазылған  жайттың  жалғасы

    Қоғамдағы кейбір жайттарға көңілі толмаған, мәселесіне тиісті орындардан мардымды жауап ала алмаған­ жандардың бір ықпалы тиер деп БАҚ-қа үміт артып келетіні бар. Жалпы, бұқаралық ақпарат құралдарының мақсаты мен міндеттері, онда қызмет ететін журналистердің басты қызметі – қоғам үшін маңызды ақпарат іздеу, табу, аны...

    Толығырақ...
  • 13.12.18

    Анар   РАХЫМЖАНОВА,

    желтоқсан  оқиғасына  қатысушы:

    «Қазақстан Компартиясының бірінші хатшысы Дінмұхамед Қонаев орнынан алынып, сол қызметке Г.Колбин таға...

    Толығырақ...
  • 13.12.18

    Қай күні ақын Ұлықбек Бекұзақұлы «Ит жылы дүниеге келгендіктен бір-бірімен «ырылдасып» ойнап, әзілдің түбін түсірген (және түсіретін – ред.) «Сырдың бес серісі, бес перісі» атанған 58-дер: Бекұзақ Тәңірбергенов, Сұраған Мырзаев, Ниятолла Раманқұлов, Серік Ыдырысов және Оңталап Нұрмахановтар болатын. Бұлардың соңғы екеуінен басқасы «түйе қарап» кетті...» деп жазған еді. Уақытынд...

    Толығырақ...
  • 13.12.18

    Ерғали  АБДУЛЛА

    ШҮКІРШІЛІК

    «Түн баласы дөңбекшіп, олай бір аунап, былай бір аунап, ұйықтай алмай, көрер таңды көзіммен атырамын» дейді де отырады бір парақор. Құлқындап өліп жүрсе де, жүрегінің арғы бір терең, қапас түкпірінде ұят пен ардың болмашы бір қалдықтары, тозаңдары қалғанына да әйтеу...

    Толығырақ...
  • 13.12.18

    Елбасының жыл сайынғы Қазақстан халқына Жолдауы тың мәселелерге толы. Әрбір Жолдау мазмұны қоғам дамуы үшін өте маңызды. Барлық жұмыстар тек билік өкілдеріне ғана емес, ел азаматтарына да үлкен міндеттер жүктейді.

    Осы жылдың күзіндегі Жолдауда мемлекет басшысы келесі жылы «Педагог мәртебесі туралы» заңды әзірлеп, қабылдау қажеттілігі туралы айтқан болатын. Ұлт көшбасшысы аталмыш заң мұғ...

    Толығырақ...
Халық-хабар
ОБЛЫС ӘКІМІ ЖАМАҒАТТЫ ОРАЗА АЙТПЕН ҚҰТТЫҚТАДЫ
28.07.2014 13:22

Бүгін Ораза айттың алғашқы күні. Отыз күн ораза ұстаған жамағат ауыздарын ашып, айт намазын оқыды. Облыс әкімі Қ.Көшербаев орталық «Ақмешіт-Сырдария» мешітіне барып, жамағатты Ораза айтпен құттықтады.

- Рамазан айы - мұсылмандар қауымының үлкен мерекесі. Бұл - Ислам жолын ұстаған күллі мұсылман қауымы үшін жақсылықтар айы, рухани жаңару айы. Қасиетті айда тілеген тілектеріңіз, оқыған дұғаларыңыз қабыл болсын. Тағы бір айта кетерлігі, үш күн айттан кейін орталық «Ақмешіт-Сырдария» мешітіне жөндеу жұмыстары жүргізіледі. Мешіттің кіре берісі ұлттық нақышта безендірілетін болады, - деді аймақ басшысы Қ.Көшербаев.

Қасиетті айда аймақта жақсы істер жасалып, түрлі шаралар ұйымдастырылды. Бір ай бойы мешіттерде ауызашар беріліп, тарауих намазынан кейін жамағатқа тегін автобус қызметі көрсетілді. Барлық аудандар мен облыс орталығында уағыз айтудан, Рамазан айы туралы мақала жазудан сайыстар ұйымдастырылды.

Мешітке жиналған жамағат Алла Тағалаға қасиетті Рамазан айына амандықта-саулықта жеткізгеніне шексіз алғыс айтып, келесі Рамазан айына да есендікте жетулерін тілеп, мінәжат етті.

Айт намазынан кейін түрлі спорттық сайыстар өткізілді. Гір көтеру, арқан тарту, күрестен мықтылар анықталып, бағалы сыйлықтармен марапатталды.

Қызылорда облысы әкімінің баспасөз қызметі

 
«Жасыл ел» жастары елімізді өркендетеді
28.07.2014 11:46

«Қазақстан-2050» стратегиясы: бейбітшілік, руханият және келісім мәдениеті» атты Қазақстан халқы Ассамблеясының 21-сессиясы барысында Елбасы Н.Назарбаев «Жасыл ел» бағдарламасы терең өмірлік мәні бар аса маңызды шара, «Жасыл ел» дегеніміз –Мәңгілік ел дегеніміз. Біздің еліміздің жапырағы қурамайтын, тамыры суалмайтын, көрген жан тамсанбай тұра алмайтын мәңгілік жасыл елге айналдыруымыз қажет» деп баса айтып өтті.

Жалпы, «Жасыл ел» бағдарламасы бойынша ауданымызда «Жасыл ел» жасағына маусым айында 49 жас жұмыспен қамтылып, тиісті жұмыстарын жүргізсе, шілде айында 49 жас сарбаздар екінші кезеңдік жұмыстарын жүргізу үстінде. Биылғы жылдың қорытындысы бойынша 150 жасты «Жасыл ел» жасағының қатарына қосу жоспарланып отыр. Сонымен бірге аудан көлемінде жастарымызды «Құрылыс жасақтарына» кеңінен тарту шаралары қабылданып, 11 жас құрылыс нысандарына жұмысқа қосылды. Қазалы қаласы «Шағала» тынығу лагерінде «Жастарды қолдау орталығы» МКМ Қазалы аудандық бөлімінің ұйымдастыруымен Қазалы ауданы бойынша «Жасыл ел» еңбек жасақтарының ашылуы салтанаты өтті.

«Жасыл ел» республикалық жас азаматтарының тек қана елдің көгалдануына ғана емес, оған қоса ортақ шаңырағымыз - Қазақстанның өркендеуіне жауапты жаңа буынның тәрбиеленуінде маңызды міндет атқарып келеді.

Қазалы ауданы әкімінің баспасөз қызметі

 
Жұмыла көтерген жүк жеңіл
28.07.2014 11:36

Әйтеке би кентінде Жалаңтөс батыр ауылына баратын жол бойында қорым мен қазіргі уақытша полигон аумағына «Өлі разы болмай, тірі байымайды» деген тақырыппен тазалық сенбілігі ұйымдастырылды.

Сенбілікке аудандық денсаулық сақтау саласының ұжымдары, атап айтқанда, аудандық аурухана, аудандық емхана, Жетес би, Болат жол, аудандық перзентхана, сонымен қатар «Шұғыла», «Айгөлек», «Балапан», «Балдырған» балабақшаларынан 225 адам тазалық жұмыстарына атсалысты.

Бұдан басқа тазаланған жерлерден шыққан қоқыстарды құм алынған карьер орнына төгуде «Рза» АҚ, «Қазалы Тұлпар» ЖШС, жеке кәсіпкер Ж.Оразалиевтер техникамен қамтамасыз етті.

Сонымен қатар Әйтеке би кентінде 280 орындық балабақша құрылысын салып жатқан Қызылорда қаласындағы «Өмірзақ» ЖШС 1 погрузчик тракторымен күл- қоқыстарды шығаруға ат салысты. Жалпы, бұл сенбілікке 3 погрузчик, 1 трактор, 7 жүк көлігі жұмылдырылды.

Қазалы ауданы әкімінің баспасөз қызметі

 
Аудан әкімі тұрғындарды Ораза айт мейрамымен құттықтады
28.07.2014 11:26

Бүгін жер бетіндегі барлық мұсылман қауымы үшін ең қасиетті саналатын екі ұлық мерекенің бірі - Ораза айт мейрамы. Бұл күні Алланың разылығы үшін бір ай бойы ауыз бекітіп, мұсылмандықтың бес парызының бірі саналатын оразаның шарттарын орындаған жандар ауыздарын ашады. Мұсылмандар оразамен қимай қоштасып,

Алла Тағалаға қасиетті Рамазан айына амандық-саулықта жеткізгеніне шексіз алғыс айтып, келесі Рамазан айына да есендікте жетулерін тілеп, мінәжат етеді. Биыл аудан бойынша үш жүзге жуық адам ораза ұстап, аузын бекітіпті. Мұның өзі аудан халқының мұсылманшылыққа, имандылыққа бет бұруы деп түсінуіміз керек.

Осы күні Жалағаш аудандық "Иманқұл" мешітінде аудан әкімі Талғат Дүйсебаев аудан тұрғындарын Ораза айт мейрамымен құттықтады.

"Қадірлі мұсылман бауырлар, құрметті аудан тұрғындары! Жалпы, Рамазан айы - мұсылмандар қауымының үлкен мерекесі. Бұл Ислам жолын ұстаған күллі мұсылман қауымы үшін жақсылықтар айы, рухани жаңару айы. Қазақ халқы да осы қасиетті Рамазан айында Алладан жақсы тілектер тілеп, болашақтан үлкен үміт күтеді. Олай болса, біз де Сіздермен бірге Жаратушы Алладан еліміздің амандығын, жұртымыздың тыныштығын тілейік, ағайын. Алла Тағала бізге діни бірлік, имандылық, салауаттылық, татулық берсін. Отбастарыңызға қуаныш, береке, бірлік тілеймін. Қасиетті ораза айында басымызды осылай тек қана қуанышта қоса берсін. Айрандай ұйып отырған халқымыздың ынтымағын Алла тағала ұзағынан сүйсіндірсін!", - деді аудан басшысы.

Жалағаш аудандық ішкі саясат бөлімі

 
Қызылордада Ы.Жақаев атындағы еңбек аллеясы ашылды
24.07.2014 17:52

Бүгін Қызылордада екі мәрте Социалистік Еңбек Ері, атақты күрішші Ыбырай Жақаев атындағы еңбек аллеясы ашылды. Салтанатты шараға облыс әкімі Қ.Көшербаев қатысты.

Театрландырылған көрініс арқылы дала академигінің еңбек сүйгіштігі сахналанды. Жастар Еңбек Ерінің еңбекқорлығын жарыса айтты. Ы.Жақаевтың күріш өсіруден рекорд жасағаны тарихта таңба басқандай жазылып тұр. Ал бүгінгі жасалып жатқан шара - еңбек адамына көрсетілген құрметтің бір парасы.

Аймақ басшысы Қ.Көшербаев қызылордалықтарды еңбек аллеясының ашылуымен құттықтады.

– Жоқшылық пен аштықтың азабын тартқан тұста Ы.Жақаев үш жыл қатарынан әр гектардан 156, 160, 171 центнерден өнім алып, рекорд жасады. Дала академигінің бұл ерлігі елге ерекше бақ-береке, ырыс-несібе әкелді. Жалпы, еңбекқорлық қазақтың қанында бар қасиет. Ы.Жақаевтан кейін мұндай атақты жерлестеріміз Салима Жұмабекова, Шырынкүл Қазанбаевалар алса, жақында Абзал Ералиев пен Юрий Пя кеуделеріне Еңбек Ері төсбелгісін тақты. Бұл ұрпақтар сабақтастығының айқын көрінісі, - деді өңір басшысы Қ.Көшербаев.

Шырынкүл Қазанбаева мен Абзал Ералиев дала академигінің ізін жалғастырушылар қатары қалындап келе жатқанын тілге тиек етті. «Бұл - ауыл шаруашылық саласын қолдаудың нәтижесі», - деді Еңбек Ерлері.

Шара соңында Ы.Жақаевтың ескерткішіне гүл шоқтары қойылды.

Қызылорда облысы әкімінің баспасөз қызметі

 
<< Бірінші < Алдыңғы 761 762 763 764 765 766 767 768 769 770 Келесі > Соңы >>

Күнтізбе

< Желтоқсан 2018 >
          1 2
3 4 5 6 7 8 9
10 11 12 13 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары