Өзекті мәселелер

  • 06.12.18

    «ЖУСАНДА  ТУҒАН  ЖЕРДІҢ  ИІСІ  БАР»

    Қазақ елі сонау «қарағай басын шортан шалған» ХІХ ғасырға дейін, ұлт тағдырының сілкіленіп, ұлттық сана ояна бастаған ХХ ғасырда да өзінің тегеуріні мықты ел екенін дәлелдеді. Киіз туырлықты қазақ санасындағы рухан­и-мәдени жетілу мен әлеуметтік-экономикалық салада өрлеу секілді мақсаттары заман көшіне ілес...

    Толығырақ...
  • 06.12.18

     

    Ерғали  АБДУЛЛА

     

    АРТЫҚШЫЛЫҚ   пен  КЕМШІЛІК

    Оның көп артықшылығы бар: гү...

    Толығырақ...
  • 06.12.18

    * Ерлердің психикасы зейіннен тоқылған. Ол жай өмір сүре алмайды. Ол биікке ұмтылуы керек.­ Еркек қатты жерде ұйықтап, суық сумен шайынып, ерте тұруы қажет.

    * Ер адам әрдайым өзінің жаман­ қылықтарын тыйғаны жөн. Өзіне ұсақ-түйек жеңілдік жасамауы  керек.

    * Қалаған нәрсесіне жету үшін ол мақсат қойып қимылдайды. Бұл – ер-азаматтың таби­ғаты. Сыйласатын ортасында өзіндік орны бол...

    Толығырақ...
  • 06.12.18

    Жалпы, өзімді жаман адам не ұсқынсыз қызбын деп айта алмаймын­. Жоғары қызметім бар. Адамдармен қарым-қатынасым да жақсы. Бір әттеген-ай дейтінім, осы уақытқа дейін екінші жар­тымд­ы жолықтырып, асыл жар атана алмадым. Жасым 34-те. Бұған дейін карьера құрып, өз жағдайымды өзім жасап алғым келді әуелі. Бір кездері мен үшін арман болған, одан соң мақсатыма айнал­ған марапаттың барлығына жетті...

    Толығырақ...
  • 06.12.18

    Бір сәт аспаннан ақша жауғандай күйге еніп, мол қаржыны қайда жұмсарыңызды білмей қалған мезетте... Мұндай көңіл күйді көбіне несие алған кезде сезінеріміз сөзсіз. Ал ай сайын алатын жалақыға телміріп отырған­ қарапайым халыққа бұл аса таңсық жағдай емес. Иә, өте көп мөлшердегі қаражатты алып, қалтамызды қампайттық делік. Ары қарай қайда жұмсаймыз? Бұрындары тұрмыстық техника, автокөлік немесе ...

    Толығырақ...
Халық-хабар
Журналист Сахитжан Бермағанбетов атындағы сыйлық туралы ЕРЕЖЕ
09.06.2014 09:18

Жалпы ереже

1. Жас журналист Сахитжан Бермағанбетов атындағы сыйлықты иеленушілерге арналған «Ең үздік жас журналист» байқауы облыстық деңгейде ұйымдастырылады.

2. Байқаудың үйлестірушісі және ұйымдастырушысы - Қызылорда облыстық ішкі саясат басқармасы және «Болашақ жастары» жастар қоғамдық бірлестігі.

Байқаудың мақсаты

3. Жас журналистердің шығармашылығының дамуына қолдау көрсету.

4. Мемлекеттік тілдің қолданылу аясын кеңейту.

Байқаудың тақырыбы

5. «Қазақстанның жүрегі - Астана».

Байқауды ұйымдастыру және оған қатысушыларға

қойылатын талаптар

6. Байқауды ұйымдастырып, өткізу мақсатында Қызылорда облыстық ішкі саясат басқармасы жанынан Ұйымдастыру комитеті құрылады. Ұйымдастыру комитетінің құрамын Қызылорда облыстық ішкі саясат басқармасының бастығы бекітеді.

7. Байқау 2014 жылғы 10 мамыр мен 13 маусым аралығында жарық көрген жарияланымдарды, эфирден өткен хабарларды қамтиды.

8. Байқауға жасы 29-ға дейінгі бұқаралық ақпарат құралдарында жұмыс істейтін тілшілер мен тәуелсіз қаламгерлер қатыса алады.

9. Байқау материалдары жарияланған күйінде (газет-журналдар беттерінде, бейне және аудиотаспалар түрінде) тиісті баспа және электрондық бұқаралық ақпарат құралдары жетекшілерінің ұсынысы бойынша қабылданады.

10. Байқау материалдарын сараптау барысында тақырыптың өзектілігі және маңызы, мазмұнының ашылу тереңдігі, шынайылығы, жанрлық шарттарға сәйкестігі, жаңа әдіс, соны стильді қолданысқа енгізе білуі, тілі және стилінің ұғынықтылығы, журналистік шығармашылық әдістерінің ерекшелігі, тың ақпаратты сараптау мен зерттеу әдістерін енгізе білу ерекшелігі, ұтымды қолдана білуі есепке алынады.

11. Байқауға қатысушылар Ұйымдастыру комитетіне (Қызылорда қаласы, С.Бейбарыс көшесі, нөмірсіз, Қызылорда облысы әкімдігі ғимаратының №314-бөлмесі, байланыс телефондары: 60-53-21) мынадай құжаттарды қоса жібереді:

1) төмендегі деректер көрсетілген өтініш:

- автор туралы мағлұматтар /туған жері, күні, айы, жылы, ұлты/;

- жұмыс немесе оқу орны, қызметі, тұрғылықты мекен-жайы, байланыс құралдары.

2) байқау материалы жарияланған газет, журналдың көшірмелері (сканер арқылы), теле-радио бағдарламалардың DVD, CD форматындағы дискілерге жазылған нұсқасы (қағазға түсірілген нұсқасымен бірге).

12. Байқауға жіберілген материалдар авторларға қайтарылмайды.

13. Байқауға ұсынылған материалдарды қазылар алқасы бағалайды. Қазылар алқасының құрамы Ұйымдастыру комитетімен анықталады.

Байқауды өткізу және қорытындысын шығару тәртібі

14. Байқау үш кезеңнен тұрады:

1) 2014 жылғы 15 мамырдан 14 маусымға дейін – байқауға қатысушылардан материалдарды қабылдау;

2) 2014 жылғы 16 маусымнан 25 маусымға дейін – материалдарды сараптау және жеңімпаздарды анықтау;

3) 2014 жылғы маусым айының соңғы аптасы – байқау жеңімпаздарын салтанатты марапаттау рәсімі.

15. Байқау жеңімпаздары Қызылорда облысы әкімдігі тарапынан дипломмен, арнайы сыйлықтармен марапатталады.

 
Мектепке И.Әбдікәрімовтің есімі берілді
09.06.2014 09:15

Сенбі күні Жаңақорған ауданы Қожакент ауылындағы №168 орта мектепке Исатай Әбдікәрімовтің есімі беріліп, қоладан құйылған бюсті салтанатты түрде ашылды. Шараға облыс әкімі Қ.Көшербаев, ҚР Парламенті Мәжілісінің депутаттары, ақын-жазушылар, қоғам және мемлекет қайраткерлері, ел ақсақалдары қатысты.

- Қазақта «ақ түйенің қарны жарылған күн» деген нақыл сөз бар. Бүгінгі, ақжарма қуанышты сәт, белгілі қоғам қайраткері Исатай Әбдікәрімұлының есімін беру туралы жасаған ұсынысымыз Республика Үкіметі тарапынан қолдау тауып, ағамыздың туып-өскен құтты мекені Жаңақорған ауданы, Қожакент ауылындағы №168 орта мектебіне Исатай Әбдікәрімовтің есімі беріліп отыр. Халқы қадірлей білген азаматтың есімін иелену – жас ұрпақ үшін, мектеп ұжымы үшін үлкен жауапкершілік. Осы мектептен Тәуелсіз еліміздің дамуына үлес қосатын, елінің дамуына қалтқысыз қызмет ететін білімді ұрпақ тәрбиеленіп шығарына сенемін, - деді облыс әкімі Қ.Көшербаев.

Шараға жиылғандар «Исатай Әбдікәрімов жастық шағында да, өмірінің соңында да тауқыметтің ауыртпалығын көп көрсе де, еліне, халқына қызмет жасауға келгенде Отанына, туған жеріне деген перзенттік борышын адал орындады» деп пікір айтты.

Расында И.Әбдікәрімов облысты басқарған жылдары Сыр өңірі егіншіліктен экономикасы ілгерілеген аймаққа айналды. Осы кезеңде өнеркәсіп дамыды. Тоқылмайтын маталар фабрикасы, күріш шаруашылығы машиналарын жасау зауыттары ашылды.

Қызылорда облысы әкімінің баспасөз қызметі

 
Қызылорда облысының Тау-кен металлургиялық кешенін дамытудың жол картасы мақұлданды
09.06.2014 09:13

2014 жылғы 4 маусымда Астана қаласында ҚР Премьер-министрі Кәрім Мәсімовтың төрағалығымен ҚР Президенті жанындағы Тау-кен өндірісі, геология және жер қойнауын пайдалану жөніндегі кеңесінің жиыны өтті. Онда Қызылорда облысында тау-кен және металлургиялық кешенді дамыту жол картасының жобасы талқыланды. Сондай-ақ, ЖЭО реконструкциялау және кеңейту, ферроқорытпа зауытын салу, тау-кен комбинатының құрылысын бастау, кен орындарын кеңейту секілді мәселелері сөз етілді.

Жиында Қызылорда облысының әкімі Қ.Көшербаев өңірде өнеркәсіп құрылымындағы өндіру саласының үлесі 94 пайызды құрап, қайта өңдеу секторының үлесі 4,6 пайыз ғана екендігін мәлімдеді.

Соңғы жылдары өткізілген талдау өндіру саласындағы өндіріс көлемін 1 пайызға төмендеткен жағдайда қайта өңдеу өнеркәсібінің көлемін орташа есептегенде 18%-ға арттыру керек екендігін көрсетті. Өткен жылы қайта өңдеу өнеркәсібінің өсімі 19,3%-ды құрады, бұл - республика бойынша 2-ші көрсеткіш.

Бүгінгі күні осы көрсеткіш химиялық, құрылыс, энергетика, ауыл шаруашылық және фармацевтика салаларындағы орта және шағын жобаларды жүзеге асыру арқылы сақталып отұр. Жыл сайын 5-6 жоба нақты жүзеге асырылған жағдайда өсім динамикасы 30-40 пайыз деңгейінде болады, бұл өсім үшін жеткіліксіз. Яғни, облысымыздың тау-кен металлургиялық кешенін жедел түрде дамыту қажет.

Сонымен қатар, болашақта мұнай өндіру көлемінің күрт азаюы күтілуде. Өндіру көлемі жыл сайын 2-3%-ға төмендеп, 2020 жылы қазіргі деңгейдің 50%-ын ғана құрайтын болады деген болжам бар.

Сондықтан, аймақ экономикасының әрі қарай тұрақты өсуі үшін 2016-2017 жылдарға дейін экономикамызды жедел түрде әртараптандырып, тау-кен металлургиялық кешенін дамытуға басты назар аударылуы тиіс.

Ол үшін бізде барлық мүмкіндіктер бар – қатты пайдалы қазбалардың мол қорлары, 2016 жылға қарай электр энергиясын өндіретін кәсіпорындарының қуаттылығын 330 МВт арттыру жоспары және электр қуатының бағасын еліміздегі ең арзан бағалар қатарына кіргізу осы сектор дамуының негізгі факторы болмақ.

Облыстың кен қорына тоқталсақ:

- жалпыреспубликалық ваннадий қорларының 66%-ы (Баласауысқандық және Құрымсақ кен орындарының қорлары әлемдегі 5 ең ірі кен орындарының қатарында);

- цинк қорының 16%-дан астамы (8,3 млн. тонна);

- уран қорының 14%-ы (235,4 мың тонна);

- қорғасын қорының 11%-дан астамы (2,4 млн. тонна);

- сондай-ақ, мыс, алтын, темір және басқа да пайдалы қазбаларының бірқатар кен орындары бар.

Осыған орай, Елбасының тапсырмасы бойынша Минералдық шикізатты кешенді түрде өндеу жөніндегі ұлттық орталығымен бірлесе отырып Қызылорда облысында тау-кен металлургиялық кешенін дамыту тұжырымдамасы жасақталды.

Бастапқы кезеңде тау-кен металлургиялық кешенін дамыту төмендегі жобаларды жүзеге асыру арқылы жоспарлануда:

1) «Шалқия» кенішін кеңейту және «Шалқия» қорғасын-мырыш кен орнында жылда 4 млн. тонна кен өндіретін тау-кен байыту комбинатының құрылысын салу («Шалкия Цинк ЛТД» ЖШС).

2) Бала-Сауысқандық кен орнының кен базасын кеңейту және кен өндеу көлемдерін жылына 1 млн. тоннаға дейін арттыру («Фирма Балауса» ЖШС).

3) Қызылорда қаласында 162 мың тонна алюминий үлесі төмен ферросилиций өндіретін ферроқорытпа зауытын салу.

4) Қызылорда ЖЭО реконструкциялау және кеңейту әрі электр қуатын 2015 жылында – 110 мВт, 2016 жылға дейін – 110 мВт көлемінде өндіру бойынша қосымша қуаттылықтарды іске қосу арқылы жалпы қуаттылығын 330 мВт дейін арттыру.

Бүгінгі күнге облыс әкімдігі ферроқорытпа зауытын салу жобасының ТЭН жасақтауға 186 млн. теңге және Қызылорда ЖЭО реконструкциялау және кеңейту жобасының ТЭН жасақтауға 75 млн. теңге бөліп отыр.

Жиын қорытындысында Кеңестің шешімімен Қызылорда облысының Тау-кен металлургиялық кешенін дамытудың жол картасы мақұлданды.

Айтпақшы, бұл бағыттағы жұмыстар өткен жылы қыркүйек айында Елбасының Сыр өңіріне жұмыс сапары барысында бастау алған. Мәселен, фармацевтикалық зауыттың, халықаралық әуежай терминалының, Қызылорда қаласындағы Сырдария өзенінен өтетін көпір және басқа да нысандардың құрылысы жүргізіліп жатыр. Аталған жобалар өңір әлеуметтік-экономикалық әлеуетін көтереді.

Қызылорда облысы әкімінің баспасөз қызметі

 
Қаржы полициясының 20 жылдығы атап өтілді
09.06.2014 09:09

Өткен аптада қаржы полициясының 20 жылдық мерекесі салтанатты түрде аталып өтілді. Орган қызметкерлерін облыс әкімі Қ.Көшербаев құттықтап, 3 «Шевроле» автокөлігін сыйға тартты.

1994 жылы Салық милициясы ретінде құрылып, бірнеше рет атауы өзгеріп, бүгінгі күні Қаржы полициясы болып орныққан салаға – 20жыл. Бұл органға сыбайлас жемқорлықпен күресу жүктелген. Яғни, мемлекет қаржысының «ұстағанның қолында, тістегеннің аузында» кетпеуін қадағалап келеді. Өз кезегінде осы жылдар ішінде сыбайлас жемқорлық туралы заңнамаға бірнеше рет өзгертулер мен толықтырулар енгізілді.

Соңғы 5 жылдың өзінде қаржы полициясы органдарымен бюджетке 430 млрд. теңгеден астам қаражат өндірілді. Қаржы полициясының жұмысын жетілдіру ұдайы назарда. Мәселен, орган қызметкерлері шетелдік әріптестерімен үнемі тәжірибе алмасып отырады. Бастысы, төрт жыл бұрын Страсбургте (Франция) Еуропа Кеңесі ұйымының сессиясында алғаш рет сыбайлас жемқорлыққа қарсы күрестің қазақстандық тәжірибесінің тұсаукесері жасалды. Бұл – тәуелсіз Қазақ елінің ұстанған бағытының айқын екенінің бір дәлелі.

- 20 жыл ішінде жинақтаған бай тәжірибелеріңіз бен біліктіліктеріңізді, білімдеріңізді тәуелсіз Қазақ елінің экономикалық қауіпсіздігін қамтамасыз етуге арнап, ел мүддесі жолында жүктелген жауапты міндетті мүлтіксіз атқара бересіздер деп сенемін, - деді облыс әкімі Қ.Көшербаев.

Сондай-ақ, аймақ басшысы жергілікті атқарушы органдарда мемлекеттік сатып алу заңнамаларын бұзушылықтарды болдырмау және ықшамдау мақсатында, сонымен қатар, өздеріне жүктелген тікелей міндеттерді орындауда жоғары тиімділікке қол жеткізу үшін республикада бірінші болып арнайы Қызылорда облыстық мемлекеттік сатып алулар басқармасы құрылғандығын атап өтті.

Салтанатты шарада орган қызметкерлерін аймақ басшысы «Құрмет» грамотасымен және «Алғыс хатпен» марапаттады. Ал Қызылорда облысы бойынша экономикалық қылмысқа және сыбайлас жемқорлыққа қарсы күрес департаментінің бастығы Мақсат Қожабаев облыс әкімі Қ.Көшербаевтың кеудесіне 20 жылдық мерекелік төсбелгісін тақты.

Қызылорда облысы әкімінің баспасөз қызметі

 
«Сырдария» лагері жұмысын бастады
06.06.2014 11:53

Кеше Қызылордада «Сырдария» лагерінің ашылу салтанаты болды. Отыз шақты жыл бұрын құрылған тынығу орнында жыл сайын 1000-нан астам бала тыныға алады. Балғындардың бос уақытын қызық өткізуі үшін интеллектуалдық, спорттық сайыстар көптеп өткізіледі.

Лагерьдің есігі 1 маусымнан 23 тамызға дейін ашық. 5 маусымда - әлеуметтік жағдайы төмен отбасылардың, ал 2 маусымда мұғалімдер мен дәрігерлердің балалары тыныға алады. Қалалық білім бөлімінің басшысы Марат Аралбаев салтанатты шарада:

- 9 ай бойы оқудан бас көтермей, түрлі пәндерден келетін қиын да қызықты тапсырмаларды орындап, білім көкжиектеріңізді кеңейттіңіздер. Келесі оқу жылына жақсы көңіл-күймен, шаршамай барасыздар, лагерьде көптеген достар табасыздар деп сенемін. Жазғы демалыстарыңыз есте қаларлықтай боп өтсін, - дей келе, лагерь ұжымына алғысын білдірді.

Айта кетейік, биыл демалыс орнын жөндеуге 3 900 млн. теңге бөлінсе, оның 1 900 млн.-ы материалдық базасын нығайтуға жұмсалған.

Халық-хабар

 
<< Бірінші < Алдыңғы 781 782 783 784 785 786 787 788 789 790 Келесі > Соңы >>

Күнтізбе

< Желтоқсан 2018 >
          1 2
3 4 5 6 7 8 9
10 12 13 14 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары