Өзекті мәселелер

  • 21.03.19

    «Бір қозы туса, бір түп жусан артық шығады». Осы тәмсілге сүйеніп, бала басын көбейткенді жөн санайтын қазақ елінде көпбалалы отбасылар саны 400 мыңға жақындайды. Оларға мемлекет тарапынан арнайы жәрдемақылар тағайындалып, жеңілдіктер қарастырылған. Алайда нарықтың қос бүйірден қысып тұрған шағында мардымсыз қаражат бастан башпайға дейін жетпейтіні үнемі айтылып келеді. Соның салдары еліміздің ...

    Толығырақ...
  • 21.03.19

    Үкіметтен басталған ауыс-түйіс жергілікті билікке де жеткен секілді. Ескерте кететін жайт, Қызылорда қалалық әкімдігінде «ат ауыстыру» жиі-жиі болып тұрады. Тіпті, «бір жарым ай ғана басшылық қызметте отырып, өзге салаға кете салу да оп-оңай ма?» деп қалдық. Енді заңды сауал туындап отыр. Жергілікті билікте кадр тапшылығы бар ма? Егер бұлай болмаса, қала әкімі Нұрлыбек Нәлібаев бөлі...

    Толығырақ...
  • 21.03.19

    Арық адамнан гөрі артық салмағы бар адамның мұңы басым. Ал ол әйел болса, тіпті, белгілі жайт. Қыс көрпесін түргеннен қыз біткен қысыла бастайды. Қызылды-жасылды киімге сай сымбатты қалайды. Әйел затының әу бастағы сұлулыққа құштарлығы дәл осы сәтте сынға түседі. Арығудың жолында диета ұстайды, фитнес клубқа барады. Алайда  салмақтан арылу үшін  денсаулықты бәйгеге тігу дұрыс па? «Тұмар...

    Толығырақ...
  • 21.03.19

    «Болар бала он бесінде баспын» десе, басқасының отызында не дейтінін баршамыз білетін шығармыз. Даналардың «ақыл жастан шығады» деуі тегіннен-тегін емес. Дарынды балалардың көптігінен еліміздің болашағын көруге болатындай. Кешегі Мағжандар жастарға сенім артқанда сенімге селкеу түсірмейтіндердің барын білді емес пе? Үдеден шыға алмай, беті қызарақтағандарды Терек төрелер қамшымен ұрып, ...

    Толығырақ...
  • 21.03.19

    Кемпір-шал осылай күйбеңдеп жатқанда Иванов бастаған жырындықор атаймандар жұп жазбастан кер даланың шаңын бұрқыратып барып, қалың жыңғыл жынысына кіріп жоқ болды. Бұл алап оңаша. Иванов тұрақтандырған бәрінің бөксе басар ұясы. Бастары аң-құс тегіс семіретін күзге қарай бір-бірімен хабарласып, осы бекетте тоғысып тұрады. Бұрынғының адамдары аң-құсты қақпанмен, тұзақпен аулайтын. Беріде орыстар ...

    Толығырақ...
Халық-хабар
«Полицейлер қылмыскерлермен бірігіп табыс таба ма?»
22.08.2014 11:34

Бүрсігүні облыстың бас прокуроры Сапарбек Нұрпейісов кезекті алқа мәжілісін өткізді. Онда есірткінің заңсыз айналымына қатысты мәселе көтерілді.

Облыста дәл бүгінгі күні есепте 1578 нашақор тұр. Оған есепке ілінбей қалғандарын қосыңыз. Өкініштісі, олардың арасында нәзік жандылар да кездеседі. Ең жас нашақор – 15 жаста. Нашақорлар есірткіге қалай қол жеткізіп жүр?! Әрине, есірткінің заңсыз айналымының арқасында. Түрлі есірткі бизнесімен айналысатын ұйымдасқан қылмыстық топтардың тамырына балта шабылмай келеді. Есіңді алатын шөптің егістік алқаптары да облыстық прокуратураның ішкі істер қызметкерлерін «шымшу» кезінде ғана бірен-саран табылып қалады. Осы төңірегінде аймақтың бас прокуроры С.Айтуұлы:

- Статистикамен жұмыс істеп отырсыңдар. Біз айтқан кезде ғана қозғаласыңдар. Сатылу нүктелері туралы ел арасында әңгіме өріп жүр. Жұрттың бәрі естігенде, сендер қалай білмей қаласыңдар? Осыдан келіп жұрт «полицейлер қылмыскерлермен бірігіп табыс таба ма?» деген ойға келеді,- деді.

Ағзаны улайтын есірткі адамның санасын да улайды. Ауғанстанда ол гектарлап егіліп, тонналап орылады. Облыстық прокуратураның басқарма бастығы Ерлан Қожановтың айтуынша, есірткіні заңсыз тасымалдайтын қылмыскерлерді ұстағанда бір ғана адаммен шектеліп жатады. Оның ар-жағында оның шашбауын көтеріп жүрген сыбайластары сытылып кетеді. Есірткінің айғақ зат ретінде алынғанда уақытылы көзін жоймауы және ұсталған сезіктіні бейнекамераға заттың тек қалтасынан табылып жатқан кезінен ғана бастап түсірілуі күмән туғызады. Сондықтан қылмыс үстіндегі мұндай жедел іздестіру шаралары басынан бастап түсірілуі тиіс.

Осы және өзге де кемшіліктер төңірегінде Сапарбек Айтуұлы облыстық ішкі істер департаменті бастығының міндетін атқарушы Нұрлан Анарбаев пен оның қол астындағы қызметкерлерге сын-ескертпе айтты. Егер қылмыстың ашылуы бойынша жұмыс өнімді жүрмейтін болса, министрлікке хат жолданатындығын да жеткізді.

Г.ЕСІМОВА

 
Акцияға ауыл азаматтары атсалысты
21.08.2014 17:57

Қызылордада да өзге өңірлердегідей тамыз айында «Мектепке жол» республикалық акциясы өтеді. Акцияның негізгі мақсаты - әлеуметтік аз қамтылған отбасыларының балаларына көмек көрсету. Аты айтып тұрғандай, аталмыш акция әлеуметтік қорғалатын санаттағы балаларды мектепке оқу жылы басталғанда түбегейлі әзірлікпен баруына жағдай жасайды. Бұл ретте жергілікті атқамінерлер мен кәсіпкерлердің де қосқан аз-кем үлесі бар екенін айта кеткен жөн.

Биылғы жылы да осы үрдісінен жомарт жандар жаңылмады. Күні бүгін қалаға қарасты Ақсуат ауылдық округінде ертеңгілік 40 балаға, түстен кейін 60 оқушыға білім ұясына қажетті керек-жарақ пен мектеп формалары үлестірілді. Қуанышты жайтқа қала әкімінің орынбасары Р.Аяғанқызы қатысып, балақайларға оқуға қажетті жабдықтарды өз қолымен табыс етті.

-Әлеуметтік маңызы жоғары шараға шаһарымыз жүз пайыз әзір. Акция барысындағы жұмыстардың қарқынды жүргізіліп жатқанын көз көріп жүр. Ақсуат ауылдық округінде биыл 104 оқушыға мектепке қажетті дүниелер табысталады. Бұл - ауылдағы азаматтардың да еңбегі. Бүгінгі бала - елдің ертеңі. Оларға жағдай жасау - азаматтық парызымыз. Осындай игі істерге қолдау көрсеткен барлық кәсіпкерлерге алғысымды білдіргім келеді, - деді қала әкімінің орынбасары Р.Боханова.

Елді мекенде екі бірдей мектеп бар. Округке қарасты №143 орта мектепке биыл 88 бала оқуға бармақшы. Айта кетейік, орта мектеп биылғы ҰБТ сынағында қала бойынша 18-орында тұр. Айтпақшы, балғындарды шат-шадыман күйге бөлеген акцияға қаржылық қолдау көрсеткендер қатарында «ЖанСтройСервис» ЖШС, «Жұмабай-Ержан» шаруа қожалығы сынды бірқатар серіктестіктер бар.

Н.ШӘКІМ

 
«Мектепке жол»
21.08.2014 12:26

Бүкіл еліміз бойынша қазір жүріп жатқандай, бірінші тамыздан бастап дәстүрлі «Мектепке жол» қайырымдылық шарасы бастау алды. Осы шара аясында «ПетроҚазақстан Құмкөл Ресорсиз» АҚ компаниясы аудандарға сапар жасап, мектептерге сыйлықтар тапсырды.

Тереңөзек кентінде Иса Тоқтыбаев атындағы №35 мектеп-лицейде шәкірттер мен ата-аналар жиналып, «ПетроҚазақстан Құмкөл Ресорсиз» АҚ компаниясының қызметкерлерін қуанышты көңіл күймен күтіп тұрды.

Аудандық білім бөлімінің бас маманы Ж.Ашықбаев үнемі көмек көрсетіп жүретін қызметкерлері үшін компанияға ризашылығын білдірді, олардың ең бірінші кезекте жетім балаларды, аз қамтамасыз етілген отбасыларынан шыққан балаларды, сол сияқты зейнеткерлер мен мүгедектерді әсте ұмытпайтындығын айтып өтті.

Компанияның бас маманы Ақтолқын Сұлтангереева шараға қатысушыларды таяуда басталғалы отырған жаңа оқу жылымен құттықтап, мұқтаж жандарға көмек беру – компания іс-қызметінің ең бастысы екендігін атап өтті. Ол балақайларға оқушы сөмкелерін табыс етті, сөмкелердің ішіне оқуға қажетті барлық құралдар – дәптерлер, қаламдар, өшіргіштер, фломастерлер, сызғыштар, сурет салуға арналған альбомдар, қаламсаптар салынды.

- Менің қызым Айжан бірінші сыныпқа барғалы отыр, - дейді кент тұрғыны Қандығаш Орынбасарова, - мұндай сыйлық мектепке өте-мөте қажет. Біздер үшін игілікті істер атқарып келе жатқан компания басшылығына алғысым зор. Мен «ПетроҚазақстан Құмкөл Ресорсиз» АҚ мұнай компаниясының адамдарға жәрдемдесіп жүргендігі жайлы көп естідім. Бұдан былай да осындай жәрдемін жалғастыра берсін деймін.

Осы сияқты алғыс сезіміне толы лебіздерді Райхан Бердіхожаева да білдірді, оның немересі Жанқожа биыл бірінші сыныпқа барады екен.

- Тәңірім осы ізгілікті компания қызметкерлерінің өсіп-өркендей беруіне, сау-саламатты болып жүруіне жазсын, - деп ағынан жарылды Р.Бердіхожаева, - компания облысымызда әрдайым жұмыс істей берсін.

Сапар әрі қарай Қармақшы ауданында жалғасты. №250 мектеп-лицейде балаларын ертіп келген ата-аналар жиналып-ақ қалыпты.

Бес жеткіншекті дүниеге әкелген көп балалы ана Гүлсара Алтыбаева компанияға көңіл бөліп қамқорлық жасағаны үшін алғысын жаудырды, ұлы Керуеннің жақсы оқитындығын, болашақта мұнайшы болғысы келетіндігін атап көрсетті.

- Менің бес балам бар, - дейді Гүлсара, – олардың барлығын мектепке дайындау үшін қанша қаражат керектігін өздеріңіз де түсінетін шығарсыздар. Және де бұл жәрдем – біздің барлығымыз үшін де дер кезінде берілген көмек болып отыр. Компанияға алғысымыз шексіз. Менің ұлым сенімді ақтап, мұнайшы болады деп үміттенемін.

Қармақшы ауданы әкімінің орынбасары Арман Қаржаубаев компания өзінің атқарып келе жатқан игілікті істерімен біраз жылдан бері барлық адамдардың құрметі мен сеніміне ие болып келе жатқанын жеткізді.

Оқу құралдары салынған сөмкелер Жалағашта аудандық қосымша білім беру орталығында да табыс етілді.

- «ПетроҚазақстан» компаниясы «Мектепке жол» қайырымдылық шарасына он жылдан артық уақыттан бері атсалысып жүр. Әр жыл сайын ішінде оқу құралдары бар портфельдермен 300 бала қамтамасыз етіледі, олардың 50 сөмкесі шефтік қамқорлыққа алынған мекемелердегі: «Балғын» балабақшасы мен «Шапағат» оңалту орталығындағы сәбилерге, 100-і – қаладағы және 50-і – Сырдария, Жалағаш және Қармақшы аудандарының балаларына таратылады, - деп атап өтті «ПетроҚазақстан Құмкөл Ресорсиз» АҚ-ның бас маманы Ақтолқын Сұлтангереева, - міне бүгін мектепке сыйлық тарту ету үшін біз де келіп қалдық. Сендердің барлықтарың да жақсы оқитын болар деп үміттенемін.

Көп балалы әке Сәбит Мұрат сыйлықтар үшін алғыс білдіріп, мұндай ізгілікті шаруаны облыста бірде-бір компанияның атқарып отырмағандығын атап айтты. Қызы бірінші сынып табалдырығын аттағалы отырған Айгүл Бектібаева да сырт қала алмады.

- Мен осындай игі істері үшін, балаларымызды мектепке дайындауда көмек көрсеткені үшін компанияға дән риза екендігімді жеткізсем деймін, – деді Айгүл. - Өздеріңіз білесіздер, қазір барлығы да қымбат, және бұл дер кезінде берілген көмек болып отыр. Компания одан әрі өсіп-өркендеп, гүлдене берсін деп тілеймін.

Облыс бойынша мектепке арналған сыйлықтарға, сондай-ақ облыс орталығын қоса алғанда 310 бала ие болды.

Валентина  ЖӘКІБАЕВА

 
Түрмедегі бір сотталушыға миллион теңге жұмсалады
20.08.2014 17:15

Сіз ақ тер, көк тер болып, бір жылда борша-боршаңыз шығып жұмыс істейсіз ғой, мысалы. Сонда тір­нектеп жиған-тергеніңіз тек миллионға маңайлайды. Бірақ жетпейді. Ал сіз білесіз бе, түрмедегі бір сотталушының өзіне мемлекет тарапынан жылына мил­лион теңгенің үстінде ақша аударылады. Шамамен бір күндік­теріне үш мың теңгеде­н  аса  есептеледі  екен.

Өткен аптадағы облыстық прокура­тура жанындағы заңдылықты қамтамасыз ету жөніндегі қоғамдық кеңесте кеңес мүшесі Қылышбай Бисенов сотталушыға жылына қанша ақша кететіндігі жөнінде сұрақ жолдады. Алған жауаб­ы осылай болды. Қоғамдық кеңес отырысына адамдарды азаптауға және қатыгездікпен қараудың басқа да түрлеріне қарсы әрекет етуге бағытталған заңнама талаптарының  сақталу жағдайына, қинау  және күш көрсетудің  рұқсат етілмеген басқа да түрлерінің алдын­ алуда прокуратура орган­дарымен  қабылданған шаралар тақыры­бы  өзек  болды.

Сондай-ақ кәмелетке толмағандар арасындағы тентектік төңі­регінде сөз қозғалды. Жасалған талдауларға сүйенсек, жеткіншектер арасында қылмыстың кө­беюі­не түн ұйқысын баласына төрт бөлмеген ата-ана кінәлі. «Әй» дейтін әке-шеше болмағасын, бала көше мен ойын-сауық орталы­ғында білгенін істейді. Бақылау жоқ, басқа жоқ. Одан қалды, жасы он сегізге жетпегендерге сприттік өнімдерді ашық сату да бір себеп.

Статистикалық мәліметтерге сәйкес, алғашқы жартыжылдықта облыс аумағында кәмелетке толмағандарға қарсы жасалған 164 (2013 жылы – 151) қылмыс тіркелген. Оның ішінде, адам өлтіру, абайсызда кісі өлтіру, өзін-өзі өлтіруге жеткізу, денсаулыққа қасақана ауыр зиян келтiру, зорлау, он алты жасқа толмаған адаммен жыныстық қатынаста болу және нәпсi­құмарлық сипаттағы өзге де iс-әрекеттер орын алған.  Мысалы, қала тұрғыны былтырғы желтоқсан айын­да 8-сынып оқушысын кәмелетке толмағанын біле тұра, күш қолданып нәсіпқұмарлық сипаттағы әрекеттер жасаған. Одан әрі еркінен тыс зорлап және күш қолданып, кәмелетке толмаған жәбір­ленушінің мүлкін ашық ұрлаған.

Г.ЕСІМОВА

 
«Біз зомбылыққа қарсымыз»
20.08.2014 12:11

Елбасы Н.Ә.Назарбаевтың 2013 жылғы Жарлығымен қыркүйектің екінші жексенбісі елімізде Отбасы күні болып бекітілген. Осыған орай, ағымдағы жылы Қызылорда облыстық Ассамблея хатшылығы отбасылық құндылықтар мен отбасылық-демографиялық саясатты насихаттауға арналған іс-шаралар жоспарын жасады. Соған сәйкес 18 тамыз-30 қыркүйек аралығында облыста түрлі бағыттағы қоғамдық-саяси, мәдени-көпшілік шаралар ұйымдастырылуы жоспарланған.

Облыстық жастар саясаты мәселелері басқармасы, Жастарды қолдау орталығы және «Самұрық» инновациялық идеяларды дамыту орталығы» қоғамдық қорының ұйымдастыруымен алғашқы шара 18 тамызда «Біз зомбылыққа қарсымыз» атты акциясымен басталды. Акцияның мақсаты жаңадан отау құрған отбасылары мен студент жастарды отбасы құндылықтарын сақтауға, отбасында сыйластықты, татулықты бекемдеуге бағытталған.

Статистикалық мәліметтерге сәйкес, облыс көлемінде жыл сайын 5000-нан аса жұп некесін заңдастырса, олардың 1000-ға жуығы заңды түрде бұзылады екен. Бұның бір себебі отбасыдағы зорлық-зомбылықтың әсерінен туындаса керек.

Акция барысында «Қоғамдық келісім орталығының» директоры Р.Ахметова, облыстық ішкі істер департаментінің аға инспекторы Ш.Қасымова, қалалық әділет басқармасының маманы С.Бектұрғанова жас отбасылар өкілдеріне отбасы бірлік-берекесін, тұрақтылығын сақтауға байланысты қажетті кеңестерін берді.

Қызылорда облыстық ішкі саясат басқармасы

 
<< Бірінші < Алдыңғы 781 782 783 784 785 786 787 788 789 790 Келесі > Соңы >>

Күнтізбе

< Наурыз 2019 >
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
26 27 28 29 30 31

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары