Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
БАЙҚОҢЫРЛЫҚТАР БАСПАНАЛЫ БОЛДЫ
09.12.2019 10:20

Сенбі күні облыс әкімі Қ.Ысқақов баспана кезегінде тұрған байқоңырлықтарға тұрғын үй кілттерін табыстады. Бұл көпқабатты тұрғын үйлердің жалпы ауданы 15 мың 700 шаршы метрді құрайды. 5 үй мен инженерлік инфрақұрылым үшін 2,1  млрд  теңге қаржы бөлінген.

Көпқабатты тұрғын үйлерді пайдалануға беру салтанатына облыс әкімімен бірге облыс әкімінің орынбасары, ҚР Президентінің «Байқоңыр» кешеніндегі арнаулы өкілі Б.Намаев пен Байқоңыр қаласы әкімшілігі басшысының міндетін атқарушы В.Лопаткин де қатысты.Нысанның құрылыс-монтаж жұмыстарын қаржыландыру «Нұрлы жер» бағдарламасы аясында жүзеге асырылған. Жылу және ыстық сумен қамтамасыз ету үшін табиғи газбен автономды бу қазандығы орнатылған. Бүгінгі күні Байқоңыр қаласында пәтер кезегіне 1252 адам тіркелген.

Баспаналы болған жұлдызды қалашық тұрғындарын құттықтаған аймақ басшысы бұл Байқоңырда соңғы 30 жылда салынған алғашқы тұрғын үй құрылысы екенін атап өтті.

"2020 жылы осы жақсы бастаманы одан әрі жалғастырып, тағы бес көпқабатты тұрғын үй салуды жоспарлап отырмыз. Бүгінде осы қалада тұрып, әр салада еңбек етіп жатқан елу мыңға жуық қазақстандық азаматтар бар. Бірнеше жылдан бері кезекте тұрған жерлестеріміз баспаналы болып, тұрмыс жағдайын жақсартып, үлкен қуанышқа бөленуде. Жұлдызды қаланы жаңа нысандармен толықтырып, жаңарту идеямызға қолдау көрсетіп, алғашқы тұрғын үйлердің құрылысын бастаған барлық құрылыс компанияларына және жұмысшылардың еңбектеріне қала тұрғындарының атынан алғысымызды айтамыз. Қоныстарыңыз құтты болсын",- деді облыс әкімі Қ.Ысқақов.

Облыс әкімінің баспасөз қызметі

 
ҚАЗАЛЫДАҒЫ РЕТРО-ФЕСТИВАЛЬДЕ 70-90-ЖЫЛДАРДАҒЫ ӘНДЕР ШЫРҚАЛДЫ
09.12.2019 10:10

Қазалы қаласындағы Қазалы аграрлы-техникалық колледжінде «Ән әлемі шақырады» атты облыстық дәстүрлі ретро-фестиваль өтті. Он бірінші мәрте ұйымдастырылған шараға облыстың барлық аудандарынан келген вокалды-аспапты ансамбльдер қатысты.

Фестивальдің ашылу салтанатында аудан әкімінің орынбасары Бақытжан Жарылқап құттықтау сөз сөйлеп, ұмытылып бара жатқан әндерді орындайтын өнер ұжымдарына алғысын айтты.

Фестиваль барысында Қазалы ауданынан «Ритм», «Мелодия», «Қазалы» вокалды-аспапты ансамбль, Жаңақорған ауданынан «Jom-Art» вокалды-аспапты жанұялық ансамбль, Сырдария ауданынан «Ритм» халықтық вокалды ансамбль, Қармақшы ауданынан «Ақай» вокалды-аспапты ансамбль, Жалағаш ауданынан «Алтын – Арай» халықтық ән-би вокалды-аспапты ансамбль және Арал ауданынан «Арал» вокалды-аспапты ансамблі 70-90-жылдардағы ескі әндерді орындап, көпшілік ықыласына бөленді.

Өнер кешін Қазалы қаласының әкімі Рахметолла Ізтілеу, Қызылорда облыстық халық шығармашылығын дамыту және мәдени-продюсерлік ортылығының бөлім меңгерушісі Бағдагүл Есмұрзаева мен аудандық мәдениет және тілдерді дамыту бөлімінің басшысы Болат Жолтаев қорытындылап, ән шырқаған ұжымдарға ұйымдастырушылар бағалы сыйлықтарды тапсырды.

Қазалы ауданы әкімінің баспасөз қызметі

 
ЖАҢА АППАРАТТАР МЕДИЦИНАЛЫҚ КӨМЕКТІҢ САПАСЫН АРТТЫРАДЫ
09.12.2019 09:55

Облыс әкімі Қ.Ысқақов облыстық көпбейінді ауруханасында болып, кардиохирургиялық орталықтың ашылғынына 10 жыл толуына орай, облыс тұрғындарына көрсетіліп жатқан медициналық көмектің сапасымен танысты. Оның ішінде жүрек-қан тамырлары ауруларына, жедел инфаркті анықтауда компьютерлік томограф және қан тамырларын рентген сәулелері арқылы тексеріп, жүрек ауруларын анықтауда шұғыл және жоспарланған жоғары технологиялық көмекке қол жетімділігін қамтамасыз ететін ангиограф аппаратының жұмыс нәтижесін көрді.

Облыстық көпбейінді ауруханасына жаңадан қойылған компьютерлі томограф қондырғысына жергілікті бюджеттен 440 млн теңге қаралса, қан тамырларын рентген сәулелері арқылы тексеріп, жүрек ауруларын анықтайтын ангиографиялық аппараты мемлекеттік-жекеменшік әріптестік негізінде алынған. Дүниежүзілік  Денсаулық ұйымының көрсеткіші бойынша, жүрек-қан тамырлары ауруларынан болатын өлім-жітімді азайту үшін 1 млн халыққа 1000 ота жасалуы қажет деп көрсетілген. Облысымыздың 800 мың тұрғынына есептегенде жыл сайын 800 ота жасалуы қажет. Ол үшін әрбір 250 мың тұрғынға шаққанда 1 ангиографиялық аппарат қажет етіледі. Биыл  мемлекеттік-жекеменшік әріптестік негізінде алынған 2 ангиографиялық аппараттың көмегімен халыққа көрсетілетін медициналық көмектің сапасы артады деп күтілуде. Ангиограф аппаратының бірі облыс  орталығында, бірі Қазалы ауданында жұмыс істеуде.

"Елбасы және Мемлекет басшысы  тапсырмаларына сәйкес халықтың денсаулығы басты назарда болу қажет. Бұндай құрал бұрын біздің өңірімізде болмаған. Жаңадан алынған аппараттар аймақ тұрғындары үшін қызмет ету керек. Алдағы уақытта да бюджет қаражатынан осындай заман талабына сай келетін құралдарды сатып алуды қарастырамыз.",- деді облыс әкімі Қ.Ысқақов.

2007-2009 жылдары Қазақстан Республикасында кардиологиялық және кардиохирургиялық көмектi дамытуға арналған мемлекеттік бағдарламасы қабылданды. Осы бағдарлама аясында 2009 жылдың 6 желтоқсанында облыстық медицина орталығының құрамында кардиологиялық орталық ашылды. Дәл сол күні Қызылорда облысының туабітті жүрек ақауымен туылған 13 жастағы тұрғынына алғашқы рет ота жасалған.2009-2011 жылдар аралығында облысқа алыс-жақын шетелдің, республикалық орталықтартың профессорлары, доценттері, арнайы мамандары келіп түрлі мастер - кластар ұйымдастырып, түрлі оталар жасаған. Сонымен қатар, аймақ дәрігерлері де шет мемлекеттерге, республикалық арнайы орталықтарға барып білімдерін жетілдіріп, 2011 жылдан бастап ота жасауға кіріскен.

Облыс әкімінің баспасөз қызметі

 
ҚЫЗЫЛОРДАДА "109" ЖӘНЕ "112" ЖЕДЕЛ ӘРЕКЕТ ЕТУ ОРТАЛЫҒЫ АШЫЛДЫ
09.12.2019 09:40

Жұма күні облыс әкімі Қ.Ысқақовтың қатысуымен «Жедел әрекет ету орталығы» коммуналдық мемлекеттік мекемесіндегі «109» және «112» қызметтерінің ресми ашылуы ұйымдастырылды. Орталықтың ашылуна ҚР Цифрлық даму, инновациялар және аэроғарыш өнеркәсібі вице-министрі Абылайхан Есенұлы да қатысты.

Жоба аясында "101", "102", "103" жедел желілері қосылып, бір жүйе "112" байланысына біріктірілген. Шұғыл қызметтердің барлық автокөлігі GPS-пен жабдықталған. Енді шұғыл қызметтердің барлық шақырулары бірыңғай "112" нөмірі бойынша қабылданады. Бұл бірыңғай жүйенің мониторингі шақырушы тұлғаның мекенжайын көрсетуге, орналасқан жерге жақын экипажды автоматты түрде анықтауға мүмкіндік береді, сонымен қатар, өтініш берушіге келудің оңтайлы картасын, жолын ұсынады. Осы жобаны іске асырудың экономикалық тиімділігі бір терезе қағидаты бойынша жедел қызметтерді шақыруды ұйымдастыру және шақыруларды қабылдау мен өңдеу уақытын 30%-ға қысқартуды көздейді. Сондай-ақ, "102" қызметінің әрекет ету уақыты - 5 минутқа дейін, "103" қызметін 8 минутқа дейін қысқартып, сапалы қызметті ұсынуға бағытталған. Бұл ретте шақыртылған қоңырауларға қызмет көрсетуді бақылау тиімділігі 25%-ға артып, жалған шақырулар саны 45%-ға қысқарған.

Сонымен қатар,  ағымдағы жылдың сәуір айында мемлекеттік органдардың халықпен тиімді байланыс механизмдерін орнату бағытында "109 - бірыңғай байланыс орталығын" құру жұмыстары басталды. Бұл жүйе арқылы қаланың инфрақұрылымына қызмет көрсету үдерісіне тартылған барлық коммуналдық қызметтерді: жылу, электр, сумен жабдықтау, су бұру, қоқыс, люктер, жол шұңқырлары, қоғамдық көлік мәселелері біріктіріледі. Енді тұрғындардан келіп түсетін барлық өтінім "109" бірыңғай нөмірі бойынша қабылданады. Оператор жүйеге өтінімді енгізеді, ол оны автоматты түрде осы мәселені шешуі тиіс ұйымға жолдайды. Бұған дейін қала тұрғындары кем дегенде 24 коммуналдық және авариялық қызмет ұйымдарының, 40 облыстық басқармалар мен қалалық бөлімдердің телефон нөмірлерін білуі қажет болса, енді қазіргі уақытта "109" нөмерін терсе болғаны, коммуналдық салаға қатысты барлық шағымы тыңдалып, өтініші орындалады. "109" бірыңғай байланыс орталығының функцисы  өтінішті телефон арқылы ғана емес, сонымен қатар барлық әлеуметтік желілермен қабылдайды.

"Аталған  "109", "112" нөмерлеріне келіп түсетін шақыртуларды талдау және олардың орындалуына мониторинг жүргізу,  облыс әкімдігінің "Ахуалдық орталығы" жүйесімен біріктірілген, онда бақылау және шешімдер қабылдау процесіне, әсіресе ірі коммуналдық апаттар, жол-көлік оқиғалары, су тасқыны жағдайлары, дауылдар және басқа да табиғи құбылыстар кезінде жылдам көмек көрсетуге септігін тигізбек.

Цифрлық технологияларды қолдану бізге тұрғындардың өмір сүру сапасын жақсартуға мүмкіндік береді",- деді облыс әкімі.

Облыс әкімінің баспасөз қызметі

 
ПРОКУРАТУРА КҮНІ АТАЛЫП ӨТТІ
06.12.2019 16:30

Әбден күрмеуі қиын, қордаланып қалған үлкен мәселелер прокуратураның көмегіне жүгінумен тоқтайды. Сасқанға сая болуда бұл мемлекеттік органның еңбегі зор. Қызылорда облыстық прокуратурасының тікелей бақылауымен түрлі заңсыздықтардың жолы кесілді. Аймақта заңсыз жұмыс істеп жүрген 100-ден аса қытайлық республика аумағынан шығарылған.  Прокурорлық қадағалау актісімен «Қызылорда су жүйесі» МКК мен «Қызылордажылуэлектрорталығы» МКК-дан 615 млн теңге салық өндірілген. Орайы келгенде айта кетейік, «Қызылорда су жүйесі» МКК «Нұрлы жер» мемлекеттік бағдарламасы бойынша бөлінген 132 млн теңгені мақсатсыз жұмсағаны анықталып, ол толықтай бюджетке қайтарылған. Тұрақты алимент алатындардың саны 4 мыңнан 9 мыңға көбейген.

Заң аясында осындай зор жауапкершілік жүктелетін құзырлы органның кәсіби мерекесіне орай А.Тоқмағамбетов атындағы қалалық мәдениет үйінде салтанатты шара өтті. Оған облыс әкімі Қ.Ысқақов, аймақтық прокуратура органдарының қызметкерлері, заң саласының құрметті ардагерлері қатысты. Сахна төріне алдымен ҚР Мемлекеттік рәмізі Ту көтеріліп, Әнұран шырқалды. Аймақ басшысы Қ.Ысқақов сөз сөйлеп, орган қызметкерлерін мерекемен құттықтады.

- Тәуелсіздікпен қатар жасап келе жатқан бұл маңызды орган қоғамдағы басты институттардың біріне айналды. Осы уақытқа дейін прокуратура азаматтардың құқығын қорғау, заңсыздықтарды оңтайлы шешу жолында өз міндеттерін мінсіз атқарып келеді. Елбасы мен мемлекет басшысы көрсеткен маңызды міндеттерді орындай отырып, прокуратура заңдылық пен құқықтық тәртіпті қамтамасыз етуде мемлекеттің сенімді тірегіне айналды деуге болады. Алаш ардақтысы Әлихан Бөкейханов: «Заң адам пайдасына жазылады, адам заң үшін тумайды», - деген. Адам тағдырына қатысты мәселелерді шешуде адалдық пен әділдік танытып жүргендеріңіз үшін сіздерге алғысымды білдіремін, - деді облыс әкімі.

Содан соң облыс прокурорының бірінші орынбасары Т.Әлібаев, Жалағаш ауданының прокуроры М.Ертарғынұлы, облыстық прокуратураның бас маманы Қ.Ибрашева облыс әкімінің Құрмет грамотасымен, құқықтық статистика және арнайы есепке алу комитетінің Қызылорда облысы бойынша басқармасының бастығы Т.Нұрымбетов, Қызылорда облыстық прокуратурасының ардагері С.Жарекеев, облыстық прокуратураның басқарма бастығы Б.Бұқарбаев, Қызылорда қалалық прокуатурасының бөлім бастығы Н.Айекенов  облыс әкімінің Алғыс хатымен марапатталды.

Аймақ басшысының орган қызметкерлерін марапаттауынан кейін Қызылорда облысының прокуроры Н.Бижанов сөз сөйлеп, прокуратура қызметінің қоғам алдындағы жауапкерлігінің зор екендігін жеткізді.

- Қазақстан  прокуратурасының тарихы 1922 жылдан басталады. Әділет  халық комиссариатының құрамында мемлекеттік прокуратура органы құрылды. 1933 жылдан бастап оның өкілеттілігі кеңейе түсті. 1995 жылғы 30 тамызда республикалық референдумда қабылданған Конституциямызда және Президенттің 1995 жылғы «Қазақстан Республикасының прокуратурасы туралы» Заң күші бар Жарлығында көрініс тауып, бекітілді. Конституцияның 83-бабындағы прокуратура туралы негізгі ереже прокуратураның бірыңғай орталықтандырылған дербес жүйе екендігін жариялап берді. Содан бері прокуратура органдары заңсыздықтарға төтеп беріп, әділеттілік орнату жолында аянбай еңбек етіп келеді. Осыған дейін өңірімізде сала бойынша қызмет етіп, халыққа еңбегі сіңген ардагерлеріміз де бар. Сол кісілердің сара жолын жалғаған әділет қызметкерлері адал жұмыс істеудің айнымас үлгісін көрсетіп келеді. Әріптестеріме алдағы уақытта да еңбектеріне абырой, отбастарына амандық тілеймін, - деді Н.Бижанов.

Облыстың бас прокуроры да салада сағы сынбай, елеулі еңбегімен көзге түсіп жүрген қызметкерлерді төсбелгі, алғыс хаттармен марапаттады.

Қызылорда облыстық Ардагерлер кеңесінің төрағасы С.Дүйсенбаев прокуратура қызметкерлеріне арнайы құттықтауын жеткізді.

- ҚР Конституциясы мен заңдарының үстемдігін қамтамасыз ету, азаматтардың құқықтары мен бостандықтарын қорғау мақсатындағы прокуратура органдарының қызметтері мемлекеттік маңызға ие. Сонымен қатар әкімшілік іс жүргізудің заңдылығын қадағалауды жүзеге асырасыздар. Нормативтік-құқықтық актілерді бұзушыларды қадағалауда еңбектеріңіз зор. Сіздерді облыстық ардагерлердің атынан құттықтауымды жеткізуге рұқсат етіңіздер,- деді ол.

Шара соңы кәсіби мереке иелеріне арналған концерттік бағдарламаға ұласты.

Әйгерім  НАЖМАДИНҚЫЗЫ

 
<< Бірінші < Алдыңғы 1 2 3 4 5 6 7 8 9 10 Келесі > Соңы >>

Күнтізбе

< Сәуір 2020 >
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары