Өзекті мәселелер

  • 13.12.18

    Жазылған  жайттың  жалғасы

    Қоғамдағы кейбір жайттарға көңілі толмаған, мәселесіне тиісті орындардан мардымды жауап ала алмаған­ жандардың бір ықпалы тиер деп БАҚ-қа үміт артып келетіні бар. Жалпы, бұқаралық ақпарат құралдарының мақсаты мен міндеттері, онда қызмет ететін журналистердің басты қызметі – қоғам үшін маңызды ақпарат іздеу, табу, аны...

    Толығырақ...
  • 13.12.18

    Анар   РАХЫМЖАНОВА,

    желтоқсан  оқиғасына  қатысушы:

    «Қазақстан Компартиясының бірінші хатшысы Дінмұхамед Қонаев орнынан алынып, сол қызметке Г.Колбин таға...

    Толығырақ...
  • 13.12.18

    Қай күні ақын Ұлықбек Бекұзақұлы «Ит жылы дүниеге келгендіктен бір-бірімен «ырылдасып» ойнап, әзілдің түбін түсірген (және түсіретін – ред.) «Сырдың бес серісі, бес перісі» атанған 58-дер: Бекұзақ Тәңірбергенов, Сұраған Мырзаев, Ниятолла Раманқұлов, Серік Ыдырысов және Оңталап Нұрмахановтар болатын. Бұлардың соңғы екеуінен басқасы «түйе қарап» кетті...» деп жазған еді. Уақытынд...

    Толығырақ...
  • 13.12.18

    Ерғали  АБДУЛЛА

    ШҮКІРШІЛІК

    «Түн баласы дөңбекшіп, олай бір аунап, былай бір аунап, ұйықтай алмай, көрер таңды көзіммен атырамын» дейді де отырады бір парақор. Құлқындап өліп жүрсе де, жүрегінің арғы бір терең, қапас түкпірінде ұят пен ардың болмашы бір қалдықтары, тозаңдары қалғанына да әйтеу...

    Толығырақ...
  • 13.12.18

    Елбасының жыл сайынғы Қазақстан халқына Жолдауы тың мәселелерге толы. Әрбір Жолдау мазмұны қоғам дамуы үшін өте маңызды. Барлық жұмыстар тек билік өкілдеріне ғана емес, ел азаматтарына да үлкен міндеттер жүктейді.

    Осы жылдың күзіндегі Жолдауда мемлекет басшысы келесі жылы «Педагог мәртебесі туралы» заңды әзірлеп, қабылдау қажеттілігі туралы айтқан болатын. Ұлт көшбасшысы аталмыш заң мұғ...

    Толығырақ...
Халық-хабар
25 ЖОЛАУШЫСЫ БАР ҚОҒАМДЫҚ КӨЛІК АУДАРЫЛДЫ
14.11.2012 12:44

Кеше кешкі сағат 6-лар шамасында қала орталығындағы Әбілқайыр хан мен Желтоқсан көшесінің қиылысында екі жеңіл автокөлік пен №12 бағытта қатынайтын қоғамдық­ көлік соқтығысып қалды. Үш бірдей темір тұлпар қалпақтай ұшқан жол-көлік оқиғасы орын алған жерде бейнебақылау камерасы­  да  орнатылмаған.

Желтоқсан көшесі бойында басты бағытта келе жатқан қоғамдық көлікке «Toyota» және «Фольксваген Гольф» автокөліктерінің соқтығысуы салдарынан жолаушылар көлігі бір аунап түскен. Қырындап бары­п жер сызған көліктің ішіндегі 25 адамның төртеуі жарақат алды. Ең сорақысы, жарақат алғандардың ішінде жүкті әйел де болыпты. Тағы бір егде жастағы азаматшаның білек сүйегі зақым алған. Сондай-ақ, аузынан сүт дәмі кетпеген екі бойжеткен қыз да бар. Бүгінде темір тұлпарды тізгіндегендердің қайсысы жөнсіз кеткендігі анықталуда.

Аян СПАНДИЯР

 
АЙТҚҰЛОВ СОТЫ АЯҚТАЛДЫ
14.11.2012 12:43

Арада жыл өткенде Жаңаөзен трагедиясына жауапты және бір шенеу­нік жауапқа тартылды. Маңғыстау об­лысы әкімінің бұрынғы орынбасары 12 жылға бас бостандығынан айырылды. Апта басында Қызылорданың қыл­мыстық істер жөніндегі мамандандырылған ауданаралық соты оны қатаң режимдегі колонияға тоғытып, дүние-мүлкін кәмпескелеу туралы үкім шығарды. Сот сондай-ақ президенттен Айтқұловтың мемлекеттік наградаларын қайтарып алуды сұрамақ.

Естеріңізге салсақ, шенеунік қазақтың қабырғасын қайыстырған Жаңа­өзен мен Шетпедегі жаппай тәртіпсіз­діктерден кейін тұтқындалған еді. Айт­құловпен қатар Жаңаөзен қаласының бұрынғы әкімдері Орақ Сарбө­пеев пен Жалғас Бабахановқа да тиісін­ше айыптар тағылып, олар жазаларын алды. Маңғыстау облысы әкімінің бұрынғы орынбасарына қатысты атышулы істі алдымен Ақтау қалалық соты қарады. Ол жақтағылар алды да, Жоғар­ғы сотқа жөнелтті. Ақырғы нүктені Қызылорданың соты қойды. Айтқұ­ловқа «пара алды» және «қызмет бабын­ асыра пайдаланды» деген айыптар тағыл­ды. «Түйені түгімен»...Тендер теңдей бөліске түсетін шақта бизнесмендерге әйелі мен қызын құрылтайшы қатарына қосуды талап еткен. Қолында билік барда тіпті өзінің бүкіл жағдайын жасауға тырысқан. Шенеу­ніктің мейрамхана, үй сияқты жылжымайтын мүліктер есебінде бизнес­мендерден қомақты пара бопсалағаны тергеу кезінде белгілі болды.

Н.ШАМАУ

 
ӘЙЕЛДЕР САЯСАТТА ДА БЕЛСЕНДІ
31.10.2012 15:43

Жасыратыны жоқ, кезінде нәзік жандылардың билікте жүріп, саясатқа араласуы үлкен даулы сауал­ға айналған болатын. Ошақ қасында отырып, бала тәрбиесімен айналысу қажеттігі айтылып, жылы орнын суытқысы келмегендер де болды. Алайда ер мен әйелдің тең­құқылы екені ескеріліп, әйелдер де «ә» дегеннен «әккі» саясатқа ара­ла­сып та үлгерді. Осы ретте Прези­дент жанындағы әйелдер істері және отбасылық-демогра­фия­лық саясат жөніндегі комиссия шешімімен Қызылорда облысы бойынша «Саясаткер әйелдер клубы» құрылған болатын. Содан бері әйелдер көшбасшылығын заман талабына сай жетілдіру және көш­басшы әйелдердің озық тәжірибе­сін насихаттау бағытында бірқатар жұмыстар атқарылды. Сол орын­далған жұмыстардың нәтижесі ретін­де «Әйелдер көшбасшылығы: бүгіні мен келешегі» тақырыбында­ конференция өтті. Жиынға облыс­тың түкпір-түкпірінен келген 50-ден астам белсенді әйелдер қатысып, өз ойларын ортаға салды.

- Еңбекте ер атанып, ел үшін, ұрпақ қамы үшін тер төккен, сұлулығымен әлемді билеген әйелдер бүгінде қоғамның қозғаушы күшіне айналды. Нәзік жандылар қауымы ерлермен етене араласып, елдің әлеу­меттік-экономикалық дамуы жолын­да өз үлестерін қосып келеді. Одан өзге ел ертеңі – жас ұрпақты тәрбиелеп, өсіріп отырған еңбектері де шексіз. Елбасы қолдауымен ана мен балаға ерекше көзқарас таныт­ып, жағдай жасалып келеді. Сонымен қатар елдегі ерекше қам­қорлықты қажет ететін топтар­ға да аса мән беріліп, жыл сайынғы жәрдемақы да үстемеленуде, - деді облыс әкімі жанындағы әйелдер істері және отбасылық-демогра­фиялық саясат жөніндегі комиссия  төрайымы Р.Ахметова.

Жиын барысында Сыр елінің экономикалық-әлеуметтік дамуына және облыстағы әйелдер саясатын іске асыруға елеулі үлес қосқан­ қоғам қайраткерлері А.Ақдәуле­това, Д.Ақмағамбетова және А.Божановаларға «Сыр елі әйелдер көшбасшылығының сардары» атты номинациялар табысталды. Одан өзге көшбасшы әйелдер арасында өткізілген «Ажар» облыстық бай­қауының жеңімпаздары «Саясат», «Мемлекеттік басқару», «Үкіметтік емес ұйым жетекшісі», «БАҚ өкілі», «Шағын және орта кәсіп­керлік жеңімпазы», «Экономика», «Қаржы», «Білім», «Денсаулық», «Мәдениет» номинациялары бойын­ша марапатталды. Отбасы мен мемлекет үшін маңызды қызметтерді қатар алып жүрген бір­қатар аудандардың көшбасшы әйелдері облыстық «Саясаткер әйелдер клубына» мүшелікке өтіп, арнайы сертификаттарға ие болды.

Н.ҚАЗИ

 
ҚЫЗЫЛОРДАДА БЕС ЖҰЛДЫЗДЫ ҚОНАҚҮЙ САЛЫНАДЫ
24.10.2012 18:08

Бүгін облыс әкімі Болатбек Қуандықов оның іргетасын қалады.

Қаланың Желтоқсан мен А.Тоқмағанбетов көшелерінің қиылысында жоғары дәрежелі қонақ үй салу идеясы осыдан он шақты жыл бұрын көтерілген еді. Ойлана келе ол орын бизнес орталығына қолайлы деп шешілді. Тіпті жобаның тұсаукесері де жасалды. Бірақ айтылған сөз айтылған жерінде қалды. Бүгін сең қозғалды. Қонақ үй құрылысын бастауға аймақ басшысы пәрмен берді. Белгілі кәсіпкер Сабыр Сейітхановтың идеясы осылайша жергілікті билік тарапынан қолдау тауып отыр. Себебі бұл жоба Сыр бойына жаңадан отандық және шетелдік инвесторларды тартуға мүмкіндік берері сөзсіз.

- Мұндай қонақ үй салатын кез әлдеқашан келді. Мысалы, бізде кең ауқымды жиын өткізетін бес жұлдызды мәжіліс залы жоқ. Енді мәртебелі меймандарды лайықты қарсы алатын өз қонақ үйіміз болады, - деді аймақ басшысы.

Облыс әкімі осы ретте маңызды құрылыстарда кәсіпкерлердің үлесі басым екенін атап өтті. Жақында ғана қолданысқа берілген «Бастау» бизнес орталығы да игі жақсылардың атсалысуымен бой көтерген болатын.

 
ҚЫЗЫЛОРДАДА ҚАРУЛАНҒАН ДІНИ ЭКСТРЕМИСТ ҰСТАЛДЫ
24.10.2012 15:38

Еліміздің көптеген қалаларында лаң салып жүрген діни экстремистер Қызылор­даға да жетті. Жат ағымдағы қарулы азаматты қалалық құқық қор­ғаушылар құрықтаған. Алғашында ол қолындағы сөмкесін тастай қашыпты. Ал, әлгі сөмкеде қару бар болып шықты.­ Қаруланған экстремист анау-мынау емес, орталық алаңда сайран салып жүргенге ұқсайды. Облыстық прокуратураның тергеу және анықтау басқар­масының бастығы Ерлан Қожановтың сөзіне сенсек, құқық қорғау органы қызмет­керлеріне Қарағандыдан келген азамат әйелінің туыстарын паналап жатқа­ндығы туралы ақпар түскен. Полицей­лер іздестіру барысында қала көшелерінде серуендеген күдіктіні табады­. Алайда, патрульдің жақын­дағанын аңғарған азамат қаруы бар сөмкесін тастай қашқан. Бүгінде күдікті полиция қызметкерлеріне қарсылық білдіргені үшін 10 тәулікке қамауға алынды. Оған қаруды заңсыз сақтағаны үшін де қылмыстық іс қозғалады. Е.Қожановтың айтуынша, батыл сәләфит  тергеу  изоляторына жай­ғасып,  терге­у  амалдары  жүргізілуде.

Қарулы сәләфиттің Қызылордаға қандай мақсатпен келгені, орталық алаңда суық қаруымен «серуендеп» жүруі кімді де болмасын, алаңдатады. Әрине, мұның бәрі тергеу амалдарынан соң анық­талатын болады.

Д.САДЫҚ

 
<< Бірінші < Алдыңғы 891 892 893 894 895 896 897 898 899 900 Келесі > Соңы >>

Күнтізбе

< Желтоқсан 2018 >
          1 2
3 4 5 6 7 8 9
10 11 12 14 15 16
17 18 19 20 21 22 23
24 25 26 27 28 29 30
31            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары