Өзекті мәселелер

  • 17.01.19

    Марат  ӘЙТІМОВ:

    Қас талант тасада қалмайды. Түптің түбінде танылары хақ. Күндердің күні маңдайы жарқырап, жұлдызы биіктей түсетіні белгілі. Сөйтіп, аты мәшһүр адамға айналары сөзсіз. Бұған мыңдап мысал келтіруге болады. Айталық, миллиардтаған қытайды мойындатқан, әлемдік «мен» деген өнер майталмандарының өзі құрметпен ...

    Толығырақ...
  • 17.01.19

    Қызылордалықтар қашанда күн суыта бастасымен жандарын шүберекке түйіп отырады. Бұрыннан-ақ тосыннан келетін апат халықты дүрліктіріп қойған. Дария суының арнасынан асып, елге төндірер қаупін айтамыз. Бұл үшін жыл сайын бюджеттен қыруар қаржы да бөлініп келеді. Арнайы бөгеттер салынып, мұз жару жұмыстарына дейін ел қазынасынан ақша шығарылады. Иә, табиғаттың тосын мінезін біліп болмайсың. Десе д...

    Толығырақ...
  • 17.01.19

    Халық арасында білім саласына қатысты айтылатын сын көп. Әсіресе, жұмыс іздеп, мұғалім болу­ды армандайтындар, тіпті, еден жуушы болып жұмыс істегісі келетіндерден «мектептің ставкасы мынанша» дегенді естіп жүрміз. Алғашында сенбейтінбіз. Өркениетке қадам басқан елімізде еден жуушыдан пара сұрамайтын болар деп ойлайтынбыз. Бірақ дәл сондай жағдаймен бетпе-бет келгендердің бар екені жасырын емес...

    Толығырақ...
  • 17.01.19

    Баспанасыз жүргендердің бағы жанатын болды. Талайдың табал­дырығын тоздырып, пәтерден-пәтерге көшіп жүрген отбасылар енді өз елінен пана табады десек те қателеспейміз. Тек жиған-тергеніңіз қалтаңызда емес, банк есепшотында болса болғаны. Естеріңізде болса­, өткен жылы Қызылорда облысы әкімі Қ.Көшербаев халық алдындағы жылдық есеп беру кездесуінде:

  • 17.01.19

    Әрдайым әдемі болып жүруді қалайтын қыз-келіншектер киім үлгісіне келгенде ерекше талапшыл. Тіпті кейбір сұлулар үшін құрбы­ла­рының үстіндегі жейде немесе көрші­сінің спорттық белдемшесінің өзіні­кімен бірдей болуы «ғаламдық проб­лемамен» пара-пар. Мұндай көрі­ніс­ке сіздің де жиі куә болып жүрге­ніңізге сенімдіміз. Байқағанымыз, бұрымдылар өзгеше болуға ұмтылады. Бүгінде талғампаз бойжеткенде...

    Толығырақ...
Халық-хабар
ИНВЕСТОР ТАРТУДЫҢ ИКЕМДІЛІГІ
10.10.2012 14:44

Мемлекеттік үдетілген индустриялық-инновация­лық бағдарламаны табысты жүзеге асырып, дағдарыстан кейінгі кезеңде ел экономикасының қарқынды дамуын қамтамасыз ету үшін мемлекет пен жеке сектордың, яғни шағын және орта кәсіпкерлік субъек­тілерінің өзара ұғынысып, тізе қосып жұмыс істегені ләзім. Соңғы жылдары мемлекет тарапынан кәсіп­керлердің кәсібін қолдап, шағын және орта бизнес субъектілерінің тынысын кеңейту үшін жүйелі жұмыс­тар жасалып келеді. Экономиканың өзге де нақты­ секторлары секілді шағын және орта бизнес салас­ы да алғашқылардың бірі болып қаржы дағдарысының қыспағында қалды. Мұндайда мемлекет оларды­ тағдыр тәлкегінде қалдырған жоқ. Керісінше, дағдарысқа қарсы бағдарлама шеңберінде бұл саланы қолдауға аса қомақты қаржы бағытталды. Бұл іс-қимыл тиісті нәтижесін берді, кәсіпкерлер кәсібінен нәсіп тауып, сонымен бір мезгілде ел экономикасының оңалуына қал-қадірінше көмектерін тигізуде. Бірақ мұнымен «іс біттінің» керін келтіруге болмайды.

Сыр өңірі аграрлы аймақ саналады. Мұнайды да игергеніміз кеше ғана. Жерасты байлығының бір күні түгесілеті­ні анық. Сондықтан өндірісті өркендету қажет. Ол үшін инвестор тартуымыз керек. Қомақты қаржыны құятындардың өзі болашағын бағдарлап, қалтасын қалыңдататынына көз жеткізгесін барып келеді. Оған мүмкіндік туғызу жергілікті биліктің белсенділігіне байланысты. Осы мақсатта алдағы сенбіде облыста «Жібек жолы» бизнес форумы өтеді. Шетел­дік алып компаниялар мен қаржы институттарының басшылары мен өкілдерін Сыр еліне шақырудың басты­ мақсатын кеше облыс әкімінің орын­басары А.Алпамысов БАҚ өкілдеріне түсіндірді.

- Жалпы саны 45 делегат келеді. Оның 28-і - шетел­ден. Оларға 60-қа жуық жобаны ұсынбақпыз. Келіс­сөздер сәтті жүріп жатса, қаржыларын біздің өңірге құятын болады. Ол үшін қолдан келген бар мүм­кіндікті жасаймыз. Тіпті туризм саласын дамытуда табиғ­атымыздың артықшылықтарын көрсету жос­парда бар, - деді А.Әбдісәмитұлы.

Сегіз жылдан бері айта-айта жауыр болған шыны зауытына инвестор тарту күрделі мәселе болып тұр. Дәл осы жобаны Ақтөбе мен Павлодар облыстары да жүзеге асыруға ниетті. Шын мәніне келсек, оларда бұл жобаны­ жүзеге асыруға мүмкіндік мол. Соған қарамас­тан инвес­тицияны Сыр өңіріне тарту осы форумның басты мақсаттарының бірі деуге болады. Сала маман­дарының болжамынша осындай ірі жобалар жүзеге асып жатса, форум жұмысының нәтижесінде өңірге 1 млрд. доллар инвестиция құйылмақ. Әрине, бұл үлкен жұмыс болар еді. Дегенмен, әліптің артын бағайық.

Т.ӘЛЖАНОВ

 
ӨЗЕН ЖАҒАЛАУЫНАН АДАМ МӘЙІТІ ТАБЫЛДЫ
10.10.2012 14:42

Өткен сенбіде Жаңақорған ауданындағы Сырдария өзенінің жағалауынан адам мәйіті табылды.

Марқұмның денесі Қандөз ауылына қарасты Қалғансыр елді мекенінен шамамен он шақырым жерде жатқан. Қызылорда облыстық ІІД-нің баспасөз қызметі хабарлағандай, құлақ, мұрын, ауыз қуыстарының бұлшық еттері жоқ көрінеді. Басында шаш қалмаған. Мойнында тамағынан желке тұсына қарай ақ түсті жіп тартылып, түйінделіп байланған. Аяғының саусақтары мүжілген, тырнақтары орнында жоқ. Оң және сол аяқтары ақ түсті матамен байланған. Әзірге марқұмның аты-жөні, мекен-жайы, жас шамасы да анықталмай отыр. Тек ер адам екені белгілі.

 
ОБЛЫС ПРОКУРОРЫНЫҢ ОРЫНБАСАРЫ ТАҒАЙЫНДАЛДЫ
10.10.2012 14:40

ҚР Бас прокурорының бұйрығымен Қызылорда об­лысы прокурорының орын­басары қызметіне Руслан Райханов  тағайындалды.

Райханов Руслан Жоламанұлы 1978 жылы Алматы қаласында дүниеге келген. Жан­ұя­лы, жоғары білімді. 1999 жылы Алматы қаласындағы Қазақ мемлекеттік Заң университетін бітірген, әділет кеңесшісі. Р.Райханов прокуратура ор­гандарына 1999 жылы қыз­метке қабылданып, әр жыл­дары Алматы қаласы Әуезов ауданы прокурорының кө­мекшісі, Астана қалалық прокуратурасының мемлекеттік органдар қызметінің заңды­лығын қадағалау басқармасының прокуроры, ҚР Бас прокуратурасында мемлекеттік органдар қызметінің заңды­лығын қадағалау департаменті бөлімінің прокуроры, аға прокуроры қызметтерін атқарған. 2008-2011 жылдар аралығында кеден саласына ауысып, Астана­ қаласы бойынша кедендік бақыл­ау департаменті бас­тығының орынбасары, ҚР Қаржы министрлігінің кедендік бақылау комитетінің жұмысты ұйымдастыру және бақылау  басқармасының  бастығы  болған.

2011 жылы прокуратураға қайта оралып, ҚР Бас прокурорының аппараты ақпараттандыру-сараптау басқармасын басқарды. Осыған дейін ҚР Бас прокуроры аппараты басшысының орынбасары – ұйымдастыру-бақылау бас­қар­масының бастығы болып келді.

Қызылорда облыстық прокуратурасының баспасөз қызметі

 
БЕЛГІЛІ КӘСІПКЕР – аймақтық бокс федерациясының вице-президенті
10.10.2012 14:39

Белгілі кәсіпкер Ыбырайхан Мұсабаев Қызылорда облысының бокс федерациясына вице-президент болып тағайындалды.

Аталмыш федерацияның апта басында кезектен тыс жиын­ы өтіп, онда «осы ұйым басшысының орынбасары болуғ­а кім лайық?» деген бір ғана сұрақ талқыланды. Кез келген спорт қауымдасты­ғының тұтқасын кім болса, соның қолына ұстата салмайтыны белгілі. Оған тек өзінің бағындырған биігі бар адамдар ғана таңдалып алынады. Қы­зылорда өңірінде жеке кәсіп­кер, «Ибрайхан и К ЛТД» ЖШС-нің директоры Ы.Мұсабаевтың есімі көпшілікке жақсы таныс. Алайда, оның бір кездері бокспен айналысқанын, кең ауқымды жарыстарға қа­тыс­қанын екінің бірі біле бермеуі мүмкін. Біраз жетістіктері, спорт шебері деген атағы бар.

Басқосуда «Қызылорда облысы әуесқой бокс федерациясы» ҚБ атқарушы комитетінің мүшелері Ы.Мұсабаевтың кандидатурасын бірауыздан қолдап, вице-президент лауазымына лайық деп тапты.

Назерке  САНИЯЗОВА

 
ҮЗДІК ЕКІ МҰҒАЛІМ КӨЛІК МІНДІ
03.10.2012 16:13

Ұстаз ұлағаты ұрпақ болашағына жол ашар ұлы қасиет екенін ескерсек, ұлы тұлғалардың тәлімді тәрбиесі санадан шықпақ емес. Ұстаз деген  ұлы есімді мәңгі ұлықтап өту де артықтық­ етпейді. Бұл ретте белгілі ғалым В.А.Сухомлин­скийдің өзі: «Мұғалімдік маманд­ық – бұл адамтану, адамның күрделі және қызықты, шым-шытырығы мол рухани жан дүниесіне үңіле білу. Педагогикалық шеберлі­к пен педагогикалық өнер – ол даналықты жүректен ұға білу болып табылады», - деп баға берген. Ал Қызылорда облысының әкімі Б.Қуандықов: «Заман өзгергенмен, өзгермейтін бір ұғым бар. Ол – ілім мен ғылым және  ұстаздық  қызмет, ұстаз мәртебесі», - деп топшылады.

 
<< Бірінші < Алдыңғы 911 912 913 914 915 916 917 918 919 920 Келесі > Соңы >>

Күнтізбе

< Қаңтар 2019 >
  1 2 3 4 5 6
7 8 9 10 11 12 13
14 15 16 17 18 19 20
22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары