Өзекті мәселелер

  • 20.06.19

    Гүлсім  ТАҢАТОВА,

    судья:

    Қап арқалаған қария. Әр сот отырысында жанынан тастамайтын кенеп қап... Оны есірткіге қатысты қылмысқа не мәжбүр етті? Тәжірибелі судьяның қылмыстық істі қараудан үзілді-кесілді бас тартуына не себеп? Бұл сауалдардың жауабын бірер айдан соң отс...

    Толығырақ...
  • 20.06.19

    АҒАЙЫНДЫ

    Екі ағайынды жігіт. Қабы да бір, сабы да бір: әке де, шеше де ортақ. Көргені де, жүргені де бір. Ішкені бірдей, жегені бір­дей... Бірақ біреуіне көптің көңілі қызығарлық ақыл қон­ған, біреуіне көптің шырқын бұзарлық арақ қонған...

  • 20.06.19

    ЕКІ  ЕСАЛАҢ

    Ол түнімен «Нақұрыстың өмірін» оқып шықты. Автордың жан дүние­сіне үңілді. Жаңбырдан соң ауаның балғындығын бүкіл тамырымен сезі­не­ отырып, тәтті қиялға берілді. Кенет, шулаған ессіз қыздардың ащы күлкісіне жиіркене қарады. «Олар айтқан жайтта қандай күлуге тұрарлық мән бар екен» деп ой алабына  сүңгіді. Күнде теріскей жақтан­ ке...

    Толығырақ...
  • 20.06.19

    Қазақ өз ұрпағына қашанда жақсы тәлім, өнегелі тәрбие беруден жалыққан емес. Тіпті тәрбиенің бір бастауы­н бесіктен­ бастап, оның ата-анасының да жауапкерш­ілігін жүктеп отырған. Бүгінде осы ұлы мін­детті жартылай да орындай алмай жүргендер бар.

  • 20.06.19

    «...Бізге керегі шын дарындар. Мемлекет өзінің талантты ұлдары мен қыздарын, тарланбоз жүйріктерін қолдауға, қорғауға міндетті». Иә, талантты да дарынды жастар – елі­міздің бетке ұстар мақтаныштары. Оны  жоғарыда айтылған Тұңғыш президентіміз Н.На­зар­баевтың сөзінен айқын байқауға болады. Жас ұрпақтың келешекке нық қадам басуы­ – қоғам үшін маңызды да жауапты күш. Еңсесін тіктеп келе жатқан ел...

    Толығырақ...
Халық-хабар
«АҚНИЕТТІҢ» ТҰСАУЫ КЕСІЛДІ
10.04.2013 17:55

Бүгін Қызылордада «Лукойл» мұнай компаниясының «Ақниет» әлеуметтік серіктестік бағдарламасының тұсаукесері болып өтті. «Лукойл» мұнай компаниясы – ТМД елдері аумағындағы серіктестік идеясы мен маңызды әлеуметтік негіздерге сүйеніп, дамуға ұмтылатын ірі инвесторлардың бірі.

Қазақстанның мұнай нарығында «ЛукойлОверСервис Б.В» аталмыш компанияның филиалы ретінде таныстырылды. Бұл компания Қазақстанда 1995 жылдан жұмыс жасап келеді. Осы уақытқа дейін Қазақстанның бес аумағында Ақтөбе, Атырау, Батыс Қазақстан, Қызылорда және Маңғыстау облыстарынан 55 млн тонна мұнай және 25 млрд кубометр газ өндірілген. Компания еліміздің экономикасына 7 миллиардтан астам қаржы жұмсады, соның ішінде тұтыну саласына 300 миллионнан астам қаржы жұмсалды. Бүгінде «ЛукойлОверсизСервис ЛТД» компаниясы Қазақстанда 8 жобаның жүзеге асуына ат салысып келеді. Жыл сайын 5 млн тонна мұнай мен 3 млрд-қа жуық кубометр газ өндіріп отырады.

«Ақниет» бағдарламасы ауылдың тұрмыстық инфрақурылымының жақсаруына, әлеуметтік осал топ арасында халықтың жұмыспен қамтылу өсіміне және жалпы өндірістік аймақтардың әлеуметтік – экономикалық дамуында ұзақ мерзімді позитивтік өзгерістердің қалыптасуына көмектесу үшін тағытталған.

«Ақниет» әлеуметтік серіктестік бағдарламасының тұсаукесер рәсіміне облыс әкімі Қырымбек Көшербаев, «ЛукойлОверсизСервис ЛТД» компаниясы филиалының директоры Андрей Кириллов, облыс әкімдерінің орынбасарлары, Қармақшы, Сырдария, Жалағаш аудандарының әкімдері, облыстық мәслихаттың депутаттары, «Нұр Отан» партиясының мүшелері мен өзге де қонақтар қатысты.

«Бүгінгі күннен бастап Қызылорда облысы аумағында «ЛукойлОверсизСервис ЛТД» компаниясының «Ақниет» әлеуметтік серіктестік бағдарламасы бастау алмақшы. Пилоттық жоба облысымыздың үш ауданынан басталады: Қармақшы, Жалағаш және Сырдария аудандары.

Ауылдық округтың тұрғындарына 1 миллион теңге көлемінде 100 грант белгілеген. Яғни 100 ауылдық округ тұрғындарына өтеусіз несие беріледі. Ертеңнен бастап осы аталған үш ауданда түсіндірме жұмыстарын жүргізу мақсатында жұмысшы топ міндетіне кіріседі», - деді Қырымбек Көшербаев.

Өтеусіз несие ауыл тұрғындарына өз ісін дөңгелетуге берілмек. Осы жобаның мақсаты да сол, яғни жобаны қолдап, ауыл тұрғындарының дамуына көмек қолын созбақ.

Шынар БЕКБАН

 
ҚЫЗЫЛШАҚАНЫ ҚУЫРШАҚ ДЕП ОЙЛАПТЫ
10.04.2013 10:32

Қызылордада құрылыс алаңынан тастанды нәрестенің өлі денесі табылды. Қалалық ІІБ-ның баспасөз қызметінің хабарлауынша, бала тоғыз ай, тоғыз күн дегенде құрсақты жарып шығыпты. Тек анасы болары болып, бояуы сіңгеннен кейін «елдің бетіне қалай қараймын» деген оймен одан бас тартқан. Жаңадан салынып жатқан үйдің маңында ойнап жүрген балалар әуелгіде қызылшақаны қуыршақпен шатастырып алған. Кейін үлкен кісілер оның қуыршақ емес, кәдімгі кішкентай адам екенін көріп, полицияға хабар береді. Тәртіп сақшылары іздестіру кезінде ай-күні жетіп босанған «көкек-ананың» Тасбөгет кентінде туыстарының үйінде тұрып жатқан 26 жастағы жалағаштық азаматша екенін анықтады. «Сұрақ-жауап кезінде ол «әке-шешемнен, туыстарымнан ұялдым, сондықтан осындай қадамға бардым» деп ақталумен болды. Енді баласының ажалына себепші болған ана төрт жылға дейін бас бостандығынан айырылуы мүмкін», - деп хабарлайды қалалық ІІБ-ның баспасөз қызметі.

Бүгінде «ұяты қысқан» ананың үстінен Қылмыстық кодекстің 97-бабы бойынша қылмыстық іс қозғалды. Тергеу амалдары жүргізілуде.

Назерке  САНИЯЗОВА

 
ЖАЙМА БАЗАРЛАР МӘСЕЛЕСІ КӨТЕРІЛДІ
09.04.2013 09:43

Облыста осы күні ұзын саны 40 базар бар. Бірақ олардың көпшілігінің сапасы мәз емес. Сын тезінен түспей келе жатқан мәселе бүгін облыс әкімдігінің тұрақты кеңес мәжілісінде тағы көтерілді.

Облыстық кәсіпкерлік және өнеркәсіп басқармасы бастығының орынбасары Ринат Сұлтангереевтің айтуынша, өткен бір жылда Арал, Шиелі, Жаңақорған аудандары мен Қызылорда қалаларындағы базарлар өртеніп, кәсібін осы саудадан дөңгелетіп отырған кісілер айтарлықтай зиян шеккен. Мұның өзі біздегі сауда орындарында басқасын былай қойғанда, қарапайым өрт қауіпсіздігі ережесінің қатаң сақталмайтынын көрсетеді. Аймақ басшысы Қырымбек Көшербаев өз кезегінде үкімет талабына сәйкес жайма базарлардан арылатын кез жеткенін қадап айтты. ХХІ ғасырда оның орнын толықтай жабық базарлар алмастыруы тиіс.

Кеңес отырысында облыстың және Қызылорда қаласының санитарлық тазалығы, көркейту-көгалдандыру және абаттандыру жұмыстарының жайы сөз болды. Өңір жетекшісі сала басшыларына тиісті тапсырмалар жүктеп, туған үйдің тазалығы баршаға ортақ жауапты міндет екенін еске салды.

Назерке САНИЯЗОВА

 
ҚЫЗЫЛОРДАДА ШЫНЫ ЗАУЫТЫ САЛЫНАТЫН БОЛДЫ
08.04.2013 17:41

Қызылорда облысының әкімдігі, «Самұрық Қазына Инвест» ЖШС және «Qinhuangdao Yaohua Glass Machine Manufacture Co., Ltd» Қытай компаниясы арасында өзара түсіністік жөніндегі меморандумға қол қойылды.

Келісілгендей, Қызылордада шыны шығаратын зауыт салынатын болады. Өткен аптаның соңында жоба Үкіметте мақұлданды. Тараптар өкілдерінің кездесуінде осы жобаның инвесторы болып табылатын «Qinhuangdao Yaohua Glass Machine Manufacture Co., Ltd» компаниясының бас менеджері Ванг Чангвен:

- Біз Қызылорда облысына облыс әкімдігі және «Самұрық Қазына» қорымен бірлесіп шыны зауыты құрылысы жобасын жүзеге асыру мақсатымен келгенімізге өте қуаныштымыз, - деді.

Зауыт тәулігіне 600 тоннаға жуық, яғни жылына шамамен 180 мың тонна шыны шығаратын болады.

- Зауыт құрылысы республикамыздың шыныға деген сұранысты толық өтеп, өнімді экспорттауға мүмкіндік береді. Қазіргі кезде шетелдік серіктестерімізбен оны Ресей және Орта Азия нарығына шығару жәйін талқылап жатырмыз. Айта кету керек, осы жоба Үкімет тапсырмасы шеңберінде жүзеге асырылады және оны серіктесіміз толықтай қолдап отыр. Барлық шыны өнімдері ең жоғары еуропалық және әлемдік стандарттарға сай шығарылады. Оған қоса, өндірісте қуат көздерін үнемдейтін шыны шығарылатын болады, яғни ол «Экспо-2017» көрмесін ұйымдастыру қарсаңында жаңа қазіргі заманғы нысандарды салуға қолдау болмақ, - деді «Самұрық Қазына»қоры басқармасы төрағасының орынбасары Қуандық Бишімбаев меморандумға қол қойылғаннан кейін.

Ел Үкіметіне, «Самұрық Қазына» қорына және инвестор компанияға өз алғысын білдіре келе, облыс әкімі Қырымбек Көшербаев өндіріс үдемелі индустриялды-инновациялық бағдарламаны жүзеге асу аясында өте маңызды жоба екендігін айтты. Жобаға 124 миллион АҚШ доллары көлемінде инвестиция салынады. Келешекте нарық сұранысына сәйкес өнім көлемін өсіру мүмкіндігі бар. Өңір басшысы экспортқа бағытталған өндіріс және жоғары технологияларды пайдалану аймақ экономикасының дамуына зор ықпал жасайтындығын ерекше атап өтті. Аймақ басшысы қызылордалықтарды экономикамызды әртараптандыруына мол мүмкіндік беретін осы жобаның қолға алынуымен құттықтап, құрылыс күзде басталатынын мәлімдеді.

Облыс әкімінің баспасөз қызметі

 
ҚОҒАМДЫҚ КӨЛІК МӘСЕЛЕСІМЕН АЙНАЛЫСАТЫН МЕКЕМЕ ҚҰРЫЛАДЫ
08.04.2013 17:41

Қызылорда қаласының әкімі Нұрлыбек Нәлібаев өздерін қоғамдық көлік, жер мәселелері толғандырған 20-дан астам тұрғынды қабылдады.

Қала басшысы қоғамдық көлік мәселесінің бүгінгі таңда өзекті болып отырғандығын айта келе, аталған мәселені шешу мақсатында мемлекеттік және жеке меншік әріптестігі аясында көлік тасымалымен айналысатын мекеме құру жоспарланғанын, бұл мақсатқа облыстық бюджеттен 500 млн. теңге бөлінгенін баяндады. Сондай-ақ осы жылы қаламызға жаңадан үлкен сыйымдылықтағы 22 автобус алынады деген жағымды жаңалықты да жеткізді.

Айта кету керек, Қызылорда қаласы аумағында қазіргі уақытта 25 қалаішілік, қала маңындағы 8 елді мекенге 745 көлік қызмет көрсетеді. Мұнан өзге, жер мәселесімен келген тұрғындардың көпшілігінде құжаттарына қатысты проблема туындап тұрғанын саралаған қала әкімі сала басшысына жақын күндері бұл мәселені толықтай зерттеп, халықты әуре-сарсаңға салмай шешіп беруді және бұдан әрі мәселені қатаң бақылауға алуды тапсырды.

Қала әкімінің баспасөз қызметі

 
<< Бірінші < Алдыңғы 931 932 933 934 935 936 937 938 939 940 Келесі > Соңы >>

Күнтізбе

< Маусым 2019 >
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары