Өзекті мәселелер

  • 19.12.19

    Кешегі даласында абақ­тысы жоқ, бес қаруы белінде жүрсе де жауынан өзгеге қару жұмсамаған заманда елдің бір-біріне өкпесі, кеткен есесі болмады дейсің бе? Болды ғой. Бірақ, сол заманның өзінде қойнындағы қаруға тұра ұмтылмай, әділдікті, ақ пен қараны шешетін әулеттің үлкені не ауылдың ажасы, оған көнбей жатса, елдің қожасына жүгінді емес пе? Дау бұған да бөгет бермеген кезде биге барып соңғы ше...

    Толығырақ...
  • 19.12.19

    Ақыл  жетпес

    Адамның ақылы өлшеусіз мол. Алайда сол ұлан-ғайыр, шексіз ақылыңның кейде кішкентай, уақ-түйек мәсе­лелерді шеше алмай, тұйыққа тіреліп, жол таба алмай, адасып­  жүретініміз  қалай?!

  • 19.12.19

    «Кувад синдромы» туралы бұрын-соңды естіп пе едіңіз? Мүлдем естімеген болуыңыз да мүмкін. Бұл – ер адамның жүкті әйел секілді күй кешуі. Мұндай да болады. «Кувад» сөзі француздың «couver» деген етістігінен шыққан, яғни қазақшалағанда «жұмыртқа басу» дегенді білдіреді. Бұл синдром екіқабат әйелдің күйеуінде жүктіліктің үшінші айында басталып, сәби дүниеге келгенге дейін жалғасуы ықтимал....

    Толығырақ...
  • 19.12.19

    Шырылдаған бала дауысынан селк ете қалған олар өздері секілді тағы бір күнә­сіз­дің жетім қалғанын сезді. Сәбиді түннің бір уағында тауып­ алған тәрбиеші дереу төсекке жатқызып, жұбата бас­тады. Әбден жылай-жылай көзінен жасы сарқылған баланың демі бітіп, әрең тыныс алады. Көздері жәудіреген бір топ баланың естісі аузындағы емізікті жұлып алып, апайына ұстатты. Жанаршылықпен қараған оның ересек...

    Толығырақ...
  • 19.12.19

    Поэзия

     

    Ботадай боздап аспан жылайды,

    Алдайды бәрін түлкі үміт.

    Жапырақтардан жас тамшылайды,

    Жапырақ жүрек бұлқынып.

Халық-хабар
ТАҒЫ ДА ҚАРАЛЫ КҮН...
30.01.2013 15:25

Тағы да ұшақ апаты. Бұған дейін де бір емес бірнеше мәрте орын ал­ған әуе апаты әуреге салған­ еді. Шека­ра қызметіне қарасты ұшақтардың апатынан соң ес жияр ма екенбіз деп ойлағанбыз. Жоқ, олай болмады. «Ә» дегеннен аузымызды күйдірген тосын жайттар «қырсық бір айнал­дырса, шыр айналдыр­ады» дегенді дәлелдеп бергендей. Бұл жолы аспан­да апатқа­ ұшыраған ұшақ - «SCAT» әуекомпаниясы» АҚ-ның №760 әуерейсін орындаушы «Challen­ger-200» ұшағы. «Көкшетау-Алматы» бағытында ұшып шыққан ұшақ Алматы облысы Іле ауданы, Қызылтау елді мекенінің маңында 13 сағат 13 минутта радардан жоғалып кеткен.

Оңтүстік Астана әуежайына 12 сағат 50 минутта қонуға тиіс 50 орындық әуе кемесінің бортында 16 жолаушы және 5 экипаж мүшесі болған. Олардың арасында екі жастағы сәби де бар. Кейбір дере­к көз­деріне сенсек, ұшақтың қонуына Алматы­ әуежайы рұқсат бермеген көрінеді. Тұмшалаған қалың тұманда жолынан адасқан ұшақ апатқа ұшыраған. Құқық қорғау органдарының таратқан мәліметіне сәйкес, Алматы қаласының әуежайына шамамен 5 шақырым жетпей құлаған ұшақтан тек 12 адамның ғана денесі бүтіндей табыл­са, қалған қаза тапқандардың мүрделері сәйкестендірілу үшін геномд­ық сараптамаға жіберілмек. Бүгінде оқиғаның анық-қанығын тексеру мақсатында құрылған арнайы комиссия апат салдарын анықтау үстінде. 21 адамның қаза табуына себепш­і болған CRJ 200 LR ұшағы 2000 жылы шығарылған. Әуеде 25 707 сағат ұшып, 22 975 рет жерге қонған. Соңғы рет жөндеуден 2011 жылдың 26 маусымында өткізілген. Ал ұшу жарамдыл­ығы ағымдағы жылдың 20 қыркүйегіне дейін деген мәліметтер анықталды.

Әуе кемесіне мініп ойда-жоқта қаза  тапқан  жолаушылардың  аты-жөндері толықтай зерделеніп, қазіргі күні туған-туыстарына көңіл айтылуда. Біз де марқұмдардың отбасылары мен ағайын-туыстарына қайғы­ларына ортақтасып, көңіл қосын білдіреміз.

Ал ертең  елімізде жалпыұлттық қаралы күн жарияланды.

Н.ҚАЗИҚЫЗЫ

 
ҚҰРМЕТТІ ҚЫЗЫЛОРДАЛЫҚТАР ЖӘНЕ ҚАЛА ҚОНАҚТАРЫ!
30.01.2013 08:49

Пайғамбарымыздың (Алланың оған игілігі мен сәлемі болсын) дүниеге келген айы мүбәрак болсын!

Осыған байланысты Сіздерді 2013 жылдың 9 ақпан күні Қызылорда облыстық Н.Бекежанов атындағы музыкалық драма театрда өтетін Мәуліт кешіне шақырамыз. Басталуы – сағат 11-де. Кіру тегін.

Пайғамбарымызға салауатты бірге айтайық!

Қызылорда облыстық «Ақмешіт-Сырдария» мешіті

 
ЖАҢАДАН ШАҒЫН АУДАН САЛУҒА БЕТБҰРЫС ЖАСАЛДЫ
30.01.2013 08:48

Облыс әкімі Қырымбек Көшербаевтың төрағалығымен кеше сәулет және қала құрылысы жөніндегі кеңестің кезекті мәжілісі өтті.

Үкіметтің 2009 жылғы қаулысымен бекітілген Қызылорда қаласының бас жоспарына сәйкес атқарылып жатқан және алдағы уақыттың еншісіне тиесілі жұмыстар туралы алдымен облыстық сәулет және қала құрылысы басқармасының бастығы Өмірбек Шәменов баяндама жасады. Бас жоспарда Сыр елінің бас шаһарын дарияның сол жақ бөлігіне қарай дамыту көзделген. Бүгінде әртүрлі құрылыс нысандарын салуға 1 532 га жер бөлініп отыр. Онда тұрғын үйлер мен басқа да зәулім ғимараттар бой көтермек. Сөйтіп, уақыт өткен сайын абаттанып, ажарланып келе жатқан қаламызда болашақта тағы бір жаңа шағын аудан пайда болады.

- Сондай-ақ газбен жұмыс жасайтын автономды жылу құбырлары салынады. Қорғаныс бөгеттері қаралған, - деді Ө.Шәменов.

Басқарма бастығы атап өткендей, жаңа ауданға электр жарығы оңтүстік және батыс подстанциялары арқылы жеткізіледі. Сырдария өзенінің үстінен көлік қатынасына ыңғайлы 4, жаяу жүргіншілерге арналған 2 көпір салу жоспарланған. Енді тек ол аумақтың геологиялық жағдайын зерттеу қажет. Қырымбек Көшербаев облыстық экономика және бюджетті жоспарлау басқармасына тиісті қаржыны тез арада бөлуді тапсырды. Соған сәйкес геологиялық тексеру жұмыстарын бірден бастау керек. Облыс әкімі сондай-ақ судан келер қауіпті ескермеуге болмайтынын қаперге салды.

- Қаншама құрылысты салғаннан кейін оны су шайып кетіп жатса, еңбектің зая кеткені. Онда бұл жоба емес, нағыз қылмыс болады. Сондықтан судан қауіп төнбейтініне көзіміз жетуі керек. Бізге кепілдік керек. Жердің жағдайын жіті зерттеп алмай, жұмыс басталмайды, - деп тиянақтады аймақ басшысы өз сөзін.

Қаланың қанат жайып, өсіп-өркендеуіне ынта білдіріп отырған жергілікті кәсіпкерлер баршылық. Мемлекет оларды қай кезде де қолдауға әзір. Облыс орталығының жақын перспективадағы даму мәселесін сөз еткен қала әкімі Мархабат Жайымбетов:

- Батырлар аллеясы жобасын жандандырсақ деген ойымыз бар. Бүгінде Достық, Шығармашылық үйлері бой түзеуде. Алдағы уақытта өнер адамдарына, спортшыларға арнап үй салуды жоспарлап отырмыз. Илья Ильин атындағы ауыр атлетика орталығының құрылысы да – алдағы уақыттың еншісінде, - деді.

Жиынды қорытындылаған облыс әкімі Қырымбек Көшербаев қаланы дамытуға мүдделі тиісті сала басшыларына алақандай ғана аймақтық бюджетке қарап отыра бермей, республикалық қаржы тайқазанынан үлес алуға ұмтылуды жүктеді.

Назерке  САНИЯЗОВА

 
БАУЫРЖАН ӘБДІШЕВ ҚАРАҒАНДЫ ОБЛЫСЫНЫҢ ӘКІМІ БОЛДЫ
30.01.2013 08:46

Мемлекет басшысының баспасөз қызметінің хабарлауынша, кеше Қарағанды облысы әкімі қызметіне бұған дейін ҚР Қоршаған ортаны қорғау вице-министрі қызметін атқарған Бауыржан Әбдішев тағайындалды.

Айта кету керек, Бауыржан Түйтейұлы 2010 жылдың қаңтар айынан 2012 жылдың қыркүйек айына дейін Қарағанды қаласының әкімі лауазымында болған. Кейін Қоршаған ортаны қорғау вице-министрі қызметіне тағайындалды. Ал, Қарағанды тарихында осы лауазымда бір-ақ жыл отырған Әбілғазы Құсайынов бүрсігүні Елбасы жарлығымен қызметінен босатылып, Қазақстан кәсіподақ федерациясының төрағасы қызметіне ауыстырылған болатын.

 
ЕРЛАН ЫДЫРЫСОВ «БАЙҚОҢЫРҒА» ҚАТЫСТЫ ТҮСІНІКТЕМЕ БЕРДІ
29.01.2013 15:56

Астана мен Мәскеу арасында Байқоңырға қатысты ешқандай келіспеушілік жоқ. Жалға беру шарты өзгереді деген әңгіме де бос сандырақ. Қос елдің сыртқы істер министрлері осындай біріккен мәлімдеме жасады. Ғарыш айлағы төңірегінде туындаған дауды реттеу үшін Қазақстанның Сыртқы істер ведомствосының басшысы бүгін Ресейде келіссөздер жүргізді. Ерлан Ыдырысов әріптесі Сергей Лавровпен кездесуінде ғарыштық саладағы байланыстың жанданбаса тоқтамайтынын ресми түрде айтты.

Ерлан Ыдырысов, ҚР Сыртқы Істер министрі:

- Байқоңырға қатысты Ресей мен Қазақстан арасында ешқандай дау да келіспеушілік те жоқ. Ғарыш айлағы үшін Мәскеу мен Астана келісе алмай жатыр деу негізсіз. Ресей - үлкен ғарыш державасы. Сондықтан біз жақын одақтасымызбен ғарыш саласындағы ынтымақтастығымызды бұзамыз деген қандай да бір пікірлер шындыққа жанаспайды, бұл сандырақ.

Ал Мәскеу Астанаға жолданған наразылық нотасы қыр көрсетуді білдірмейді. Ол тек нақтылауды қажет ететін күнделікті жұмыс барысындағы дипломатиялық хат алмасулар деп ақталды. Бұған дейін Қазақстан Үкіметі 2013 жылы Байқоңырдан ұшырылатын «Протон» зымырандарының санын 14-тен 12-ге қысқартқан еді. Құдайы көршіміз шешімді өзгертуді талап етіп бір айда екі нота жіберді. Айта кетсек, шатақ Ұлттық ғарыш Агенттігінің төрағасы Талғат Мұсабаевтың Байқоңыр меншікке қайтарылуы мүмкін деген тосын мәлімдемелерінен басталған-ды. Енді ақпараттық жанжалға соңғы нүкте қойылған сияқты.

 
<< Бірінші < Алдыңғы 1061 1062 1063 1064 1065 1066 1067 1068 1069 1070 Келесі > Соңы >>

Күнтізбе

< Маусым 2020 >
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары