Өзекті мәселелер

  • 14.11.19

    Ішкі істер министрінің орынба­сары Алексей Калайчиди аттестациядан кейін лауазы­мы­нан  босаған полиция басшы­лары туралы айтты, - деп хабарлайды ҚазАқпарат.

    – Аттестация екі кезеңнен тұрды. Біріншісі – дайындық барысы. Яғни, лауазымдағы азаматтың  кәсіби  дағдысы зерттелді. Біз бұған  дейінгі полиция басшыларын аттестаттаудың оқ ату, дене дайындығын, заңды білу деңгейін тексеру сек...

    Толығырақ...
  • 14.11.19

    Бізде мынадай тенденция бар ғой. Әкімдер мемлекеттік мекемелерге барса,­ сондағы қызметкерлер тайлы-таяғымен иіліп төсек, жайылып жастық бола қалатын. Тіпті, бұл дәстүрге айналып кеткені қашан?! Ал әкім мекеме­ге ескертусіз келсе, жағдай қалай болар еді? Мұндай «қызықты» апта  басында  көрдік.

  • 14.11.19

    «Отан қорғап, сарбаз сапына қосылады» деп үкілі үміт артып отырған­ бөріктілердің арасында әскери борышын өтеуден қашып жүргендер бар. «Қашқындарда­н» бөлек, республиканың түкпір-түкпіріне немесе өзге мемле­кеттерге жұмыс істеуге барып, нақты мекенжайсыз, хат-хабарсыз кететіндерге де дауа болмай отыр. Осыған­ байланысты әскерге шақырылушыларды жергілікті әскери­ басқару органдарына шақы...

    Толығырақ...
  • 14.11.19

    Мәдениет ауылдық округі тіректі елді мекенге айналғалы бұл өңірдің тірлігі де алға басты. Ауыл әлеуетінің артуына бұрын жергілікті шаруашылықтар қолғабыс ететін. Қазір кәсіпкерлікті қолдауға бағытталған мемлекеттік бағдарламаларды тиімді пайдаланған ауыл тұрғындары да табысқа кенелуде. Кейбір жандар жеке табысы артқан сайын әлі де бола берсе екен дейді. Ал  бұл  елді  мекендегі  шаруашы...

    Толығырақ...
  • 14.11.19

    Өткен жылы мемлекеттік «Нәтижелі жұмыспен қамту және жаппай кәсіпкерлікті дамыту» бағдарлама­сына қатысып, «Атамекен» кәсіпкерлер палатасының қолдауымен «Бастау Бизнес» курсынд­а білімін жетілдірген Қармақшы ауданына қарасты Ақай ауылының жас кәсіпкері Қосым Жұмағалиевтің  есімі  бүгінде ауылдастарына жақсы­  таныс.

Саясат
ТЕҢІЗ ТӨСКЕЙІНДЕГІ ІРІ ЖОБА
05.07.2012 12:43

 

 

 

 

 

 

 

 

 

 

 

Бүрсігүні «Қазмедиа орталығы» телерадиокешенінің ғимаратында ҚР Президенті Н.Назарбаевтың қатысуымен 2010-2014 жылдарға арналған еліміздің Үдемелі­ индустриялық-инновациялық даму мемлекеттік бағдарламасын жүзеге асыруға арналған Индустриялық форум өтті.

 
«ТОЙ БІТКЕНДЕ ДАҢҒЫРА»... немесе «Ауызсу», сенен не пайда?
05.07.2012 12:40

Ел үкіметі былтыр «Ақбұлақ» бағдарламасын үкілеп қатарға қосты. Судан тапшылық көріп отырған көп жұрттың ендігі үміті сонда. Қырқына шыдап, қырық біріне шыдамағанда қайда барады?! Бірақ оның алдындағы сегіз жылға жалғасқан «Ауызсу» бағдарламасы «сенген серкем сен болсаңның» керін келтірді.

 
«ҚОЛЖЕТІМДІ БАСПАНАҒА» кімнің қолы жетеді?
05.07.2012 12:38

Жасыратыны жоқ, қазіргі заман «ақшаң болса қалтаңда, базарға бар да талтаңданың» керін келтіріп тұр. Ал мардымсыз жалақыны айдан-айға жеткізе алмай, әлектеніп жүргендердің жағдайы, тіпті, мүшкіл. Олардың арасында бір баспанаға қол жеткізе алмай, пә­терден пәтерге көшіп жүргендері қаншама? Соңғы жылдары мемлекет басшысы тұрғын үй құрылысы саясатын эконом­икалық дамудың жетекші саласына айналдыру қажеттігін жиі айтып келеді. Соған орай түрлі тұрғын үй бағдар­ламалары қабылданып, еліміздің әр аймағында құрылыс жұмыстары қарқы­н алды.

 
ЕСІЛ ЖАҒАСЫНДАҒЫ ЕҢСЕЛІ ЕЛОРДА
05.07.2012 12:12

 

 

 

 

 

 

 

 

 

 

Ертең – тәуелсіз еліміздің бас шаһа­ры Астана қаласының туылған күні. Еліміздегі елеулі мерекелердің қатарына жататын 6 шілде барша қазақстандықтар үшін көптен күткен ұлы той сана­тында. Сол себепті де ауқымды мере­келік іс-шаралар қатары көптеп ұйымдастырылады. Еңсесі биік Ел­ордамыздың күн санап қарқынды дамып, қарыштап ілгерілеп келе жатқанының куәсі болудамыз. Қазір қазақ елінің экономикалық ахуалы мен әлеу­меттік топ жағдайының жақсарғанын Астанаға қарап-ақ топшылауға болады. Қазақстанның орталық бөлігінің солтүстігінде, Есіл өзенінің жағалауындағы көркі көз тартатын әсем қала биыл 14 жасқа толмақшы.

Тарих қойнауына сіңіп кеткен сонау 1830 жылы Есіл өзенінің жағасындағы казак-орыс әскерлері негізін қалаған бекініс Елордамыздың тарихи бас­тау алған сәті еді. 1994 жылы Ел Прези­дентінің астананы Алматыдан Ақмола­ға көшіру туралы бастамасы талайды ойландырып тастаған болатын. Бірі қоштаса, енді біреуі мүлде келіспей­тіндіктерін айтып, қарсы шыққаны әлі күнге халықтың есінде. Алайда өзінің іскерлігі мен табандылық қасиетін орынды пайдалана біл­ген Елбасы алға қойған мақсаттарға жету үшін де аянып қалмады. Тәуел­сіздігін алған елдің бас қаласын Есіл жағалауына ауыстырып, көз тартатын келбетті қалаға айналдырды. Талайды таңғалдырған бас қаланың кескін келбетіне тамсана қарайтындар қатары жыл санап артпаса, кеміген жоқ. Астана­ болып өзгертілген 1998 жылы ЮНЕСКО-ның шешімі бойынша Астан­а қаласына «Бейбітшілік қаласы» жоғары атағы беріліп, медальмен марапа­тталды. Бұл атақ қысқа мерзім ішінде әлеуметтік-экономикалық, саяс­и және мәдени даму жолының әсерлі әрі қуатты өсуі мен тұрақты этник­ааралық қатынасты орнықтыруға қол жеткізе алған ғаламшардың жас қалаларына беріледі. Бразилияда өткізілген бұл конкурста Астана барлық­ өлшемдер бойынша әлемнің әртүрлі елдерінің он екі қаласын басып озды. Дәл сол жылдың өзінде Астана еркін экономикалық аймақтың «WEPSA» халық­аралық қауымдастығына кірді. Әлем­нің 15 қаласы Қазақстан елордасының бауырлас қалалары болып табылады,­ олардың арасында Мәскеу, Берлин, Варшава, Минск, Киев, Анкар­а, Бангкок және басқалары бар.

Бас қаланың серпінді дамып келе жатқанын қала экономикасына салын­ған инвестиция көлемінен аңғару қиын емес. Сонымен қатар мұндағы демо­графиялық ахуал да жедел өсіп келе­ді. Небәрі 14 жылдың ішінде түбегейлі өзгерген әсем қала алдағы уақытта да жаңа жобалардың отанына айналып, еліміздің мақтан тұтар қаласы болып қала бермек. Мемлекет үшін стратегиялық маңызы бар жобалар, келісім­шарттар да осы қаладан бастау алары хақ. Себебі мұнда Елбасының резиденциясы «Ақ Орда» орналасқан. Одан бөлек мемлекеттік ресми іс-шаралар­, форумдар, мәжіліс, кездесу, съездерді өткізу орны саналатын тәуел­сіздік сарайы да орын тепкен. Мұн­да­ғы «Бәйтерек» кешені Аста­наның басты символы болса, Әлемдік және дәс­түрлі діндер лидерлерінің съезін өт­кі­зуге арналған «Бейбітшілік пен келісім сарайы», ең үлкен ойын-сауық орталығы «Хан-Шатыр» да – мұндағы мақтан тұтарлық орындардың бірі.

Кең даланың төсінде айрықша әсемдікке оранып жатқан ару қала – Астананың 14 жылдығы қазақ елі үшін ұлы мереке болғалы тұр. Бәз біреулер үшін Астана – тіршілік қаласы, енді біреулер үшін туған топырағы, ал кезек­ті біреулерге арман қала. Осыдан 14 жыл бұрын дәл осындай кейіпке енеді деп ешкімнің ойламағаны айдан анық. Өйткені дәл сол тұста ел экономикасы айтарлықтай деңгейге жетпеген­  еді. Ал қазір еңсесін тіктеп, әлеуметтік-экономикалық, қоғамдық-саяси тұрғысындағы барлық мәселесінің түйіні тарқаған тәуелсіз мемле­кеттің жас әрі бас қаласы да күн санап көр­кеюде. Сонымен қатар Астан­а саяси­-мәдени, әлеуметтік-экономикалық мәселелер бойынша түрлі кездесулер өтетін Еуразия кеңістігінің  орталығы  болып  саналады. Қазақ елінің мақтанышына айнал­ған бас қала алдағы уақытта да қарыштап дами түспек. Есіл өзені бойындағы ерке қаланың ертеңгі мереке­сі Алаш жұртының ортақ қуанышына  айналары  сөзсіз.

Н.ҚАЗИҚЫЗЫ

 
«ҰШҚЫР ҚАЛАМ» журналистердің мерейін өсірді
05.07.2012 12:00

 

 

 

 

 

 

 

 

 

 

- Жыл сайын төл мереке қарсаңында журналистер еңбегін марапаттау, бағалау игі дәстүрге айналып келеді. Бұл – сіздердің қалтқысыз еңбектеріңізге деген халықтың құрметі. Қаламыздың оң имиджін қалыптастыруда, экономикалық өсуін көрсетуде ақпарат құралдарының атқарған еңбегі зор. Сыр журналистері елде жасалып жатқан еңбекті айшықты көзқарасымен көрсетіп келеді. Қоғамдағы өзекті мәселелерді дер кезінде қозғап, әлеуметтік мәселелерді шешуде қосқан үлестеріңіз үшін алғысымды білдіремін.

Бұл – Қызылорда қаласының әкімі Мархабат Жа­йым­бетовтің Студенттер сарай­ында БАҚ өкіл­дері бас­қосқан «Ұшқыр қалам» фестивалінде қа­ламгерлер қауымын құт­тықтау сөзі. Қиын да қызығы мол, салмақты саланың тізгінін ұстап жүр­ген журналистер еңбегінің жыл айналып еленіп, марапаттарға  ие болып жататын айтулы күнін жылдағы үрдіспен салта­натты түрде атап өтетін қала басшылығы биыл да жолынан жаңылмады. Алдымен қала басшысы соңғы жыл­дары облыс орталығында атқа­рылған сан-салалы жұмыстардың негізгілеріне қыс­қаша тоқталды. Оның айтуын­ша, соңғы үш-төрт жылдың бедерінде қалада 8 млрд. теңгеден астам қаржыға 240-қа жуық көше жөнделіп, ауызсу жүйеле­рі­нің 50 пайыздан астамы қайта жаңартылған. Жаңадан бой көтеріп жатқан «Астан­а» шағын ауданы, сондай-ақ «Сыр ана» монументі, «Сыр сүлейлері» аллеясы, т.б. толымды тірлік­тер Сыр елінің жүрегі – Қызылорданың келешекте кемелді шаһарға айнала­тынын паш етеді.

Осы ретте қала басшысы елдің тыныс-тіршілігін, қала­ның қарымды қуатын қалыптастыруда әрбір істің жұрт жадына жетуіне дәнекерлік жасап келе жатқан журналистерге тілектестігін жеткізіп, мемлекеттік ақпараттық саясатты жүзеге асыру­да сіңірген еңбектері үшін бірқатар қаламгерлерге «Құрмет» грамотасын табыс­ етті. Сонымен қатар, қашанда прогресшіл, қала тұрғындарын толғандыратын өткір проблемалардың ортасында жүрген және республика көлемінде «Қызыл­орда» атауының лайықты шығуына, аймақ өмірінде орын алып жатқан құнды дүниелерді дәріптей білген бір топ журналистер түрлі номинацияларды иеленді. Олардың қатарында «Хабар» агенттігінің облыстағы мен­шікті тілшісі Бағдат Бектұр­ғанқызы, «Қазақстан Заман» және «Заң» газетінің облыстағы меншікті тілшісі Бей­бітбек Бүркітбайұлы, «Мегаполис» және «Bnews» интернет газетінің облыстағы меншікті тілшісі Наталья Денисова, «Сыр бойы» газе­тінің жауапты хатшысы Қуат Шарабатдинов, т.б. бар. Ал, аймақта «Халық» газетінің мыңдаған оқырманының қалыптасуына ерекше үлес қосып, әлеуметтік-экономикалық салалар бойынша талдамалық-сараптамалық материалдарды жазумен ерекшеленіп жүрген «Ха­лық» газетінің бас редакторы­ Нұржан Әбжанұлы «Әділет жаршысы» номинациясына қол жеткізді. Сондай-ақ, Сыр журналистері арасында дараланып жүрген бірқатар майталмандар Алғыс хатпен марапатталса, тікелей қала әкімінің жұмысын ақпараттандыруда ерекше ізденісі, айшықты қолтаңбасымен өзіндік имидж қалыптас­тыра білген журналистерге Мархабат Жайымбетұлы жеке сыйлығын (150 000 теңге) тапсырды.

Орақ тілді, жұмыр жүрек­ті, көре білетін, ести білетін журналистер, әрбір сәтті қалт жібермейтін қырағы операторлар, көгілдір экран мен газет санының арғы жағын­да қалатын түрлі қызметкерлер еңбегі атап өтуге қашанда лайықты. Кеште осы қызметтің қырағылығын көрсетуде мемлекеттік қызметтегі лауазым иелері де өз үлестерін қосыпты. Қалалық ішкі саясат бөлі­мінің бастығы Айдын Қайруллаевтың бастамасымен мемлекеттік қызметтегі лауаз­ым иелері бір сәт БАҚ өкілдерінің орнында болып, жаңалықтардың бір шыға­рылымын әзірледі. Нақты айтқанда, А.Қайруллаев пен қала әкімінің баспасөз хатшы­сы М.Шаймерденова «Қоғам ТВ» телеарнасы ар­қылы «Шарайна» жаңалықтар топтамасын жүргізді. Осы шығарылым жиналғандардың көңілінен шықты.

Мерекелік шарада қа­ламгерлер атынан «Қоғам ТВ» телеарнасының құрылтайшысы Ш.Әбдікәрімов, «Ақмешіт ақшамы» газеті­нің бас редакторы С.Бихожа, «Кому что?» газетінің бас редакторы Н.Денисовалар тілектестік лебіздерін білдіріп, салтанат соңы әсем әнмен әрленді. Осылайша «Ұшқыр қалам» фестивалі журналистер мерейін бір өсіріп тастады.

Мөлдір  ҚАЛЫМБЕТОВА

 
<< Бірінші < Алдыңғы 271 272 273 274 275 276 277 278 279 280 Келесі > Соңы >>

Күнтізбе

< Қараша 2019 >
        1 2 3
4 5 6 7 8 9 10
11 12 13 14 16 17
18 19 20 21 22 23 24
25 26 27 28 29 30  

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары