Өзекті мәселелер

  • 17.01.19

    Марат  ӘЙТІМОВ:

    Қас талант тасада қалмайды. Түптің түбінде танылары хақ. Күндердің күні маңдайы жарқырап, жұлдызы биіктей түсетіні белгілі. Сөйтіп, аты мәшһүр адамға айналары сөзсіз. Бұған мыңдап мысал келтіруге болады. Айталық, миллиардтаған қытайды мойындатқан, әлемдік «мен» деген өнер майталмандарының өзі құрметпен ...

    Толығырақ...
  • 17.01.19

    Қызылордалықтар қашанда күн суыта бастасымен жандарын шүберекке түйіп отырады. Бұрыннан-ақ тосыннан келетін апат халықты дүрліктіріп қойған. Дария суының арнасынан асып, елге төндірер қаупін айтамыз. Бұл үшін жыл сайын бюджеттен қыруар қаржы да бөлініп келеді. Арнайы бөгеттер салынып, мұз жару жұмыстарына дейін ел қазынасынан ақша шығарылады. Иә, табиғаттың тосын мінезін біліп болмайсың. Десе д...

    Толығырақ...
  • 17.01.19

    Халық арасында білім саласына қатысты айтылатын сын көп. Әсіресе, жұмыс іздеп, мұғалім болу­ды армандайтындар, тіпті, еден жуушы болып жұмыс істегісі келетіндерден «мектептің ставкасы мынанша» дегенді естіп жүрміз. Алғашында сенбейтінбіз. Өркениетке қадам басқан елімізде еден жуушыдан пара сұрамайтын болар деп ойлайтынбыз. Бірақ дәл сондай жағдаймен бетпе-бет келгендердің бар екені жасырын емес...

    Толығырақ...
  • 17.01.19

    Баспанасыз жүргендердің бағы жанатын болды. Талайдың табал­дырығын тоздырып, пәтерден-пәтерге көшіп жүрген отбасылар енді өз елінен пана табады десек те қателеспейміз. Тек жиған-тергеніңіз қалтаңызда емес, банк есепшотында болса болғаны. Естеріңізде болса­, өткен жылы Қызылорда облысы әкімі Қ.Көшербаев халық алдындағы жылдық есеп беру кездесуінде:

  • 17.01.19

    Әрдайым әдемі болып жүруді қалайтын қыз-келіншектер киім үлгісіне келгенде ерекше талапшыл. Тіпті кейбір сұлулар үшін құрбы­ла­рының үстіндегі жейде немесе көрші­сінің спорттық белдемшесінің өзіні­кімен бірдей болуы «ғаламдық проб­лемамен» пара-пар. Мұндай көрі­ніс­ке сіздің де жиі куә болып жүрге­ніңізге сенімдіміз. Байқағанымыз, бұрымдылар өзгеше болуға ұмтылады. Бүгінде талғампаз бойжеткенде...

    Толығырақ...
Тіршілік тіні
БАТПАҚТАП ЖҮРІП ЖАТЫРМЫЗ
15.03.2012 10:48

Қалған   көңіл

Таулы аймақтарда «жол – тіршілік көзі» дейді екен. Біз де көктем мен күзде соны айқын сезін­етін болдық. Батпақтан аяқ алып жүре алмайсың, ауырсаң, жедел жәрдем көлігі келе алмайды, бастауыш сынып­ оқушы­ла­рының мектепке қатынауы қиын. Он жылдан бері қалаға қарасты Қызылжарма қыстағындағы Мұратбаев көшесінің ұзындығы 200 метрдей жолына тас төсеп беруді айтумен келеміз. Қалалық әкімдік­тегілер «2007 жылдың жоспарына енгізілді» деген еді, ол да бос сөз болды. Одан бері де бес жыл өтті. Әбден түңілгеннен кейін әр үй есік алдына құм төк­тіріп, бір жөнге келтірдік пе деген­дей едік, су мен көгілдір отын жүргізу үшін көше қайта қазылып, бұрынғы таз қалпына түсті.

Сонымен көктемгі батпаққа батып-шығып жүріп жатырмыз. Бұл енді қаншаға созылар екен, ең болмаса­ соны білгіміз келеді. Қысқасы, айта-айта жалықтық.

Әмірбек  ДҮЙСЕНОВ.

Қызылорда  қаласы

 
СЫРДАРИЯ АРНАСЫНАН АСЫП абдыратып жүрмесін
09.03.2012 10:51

«Бас жарылса, бөрік ішінде, қол сынса, жең ішінде». Ал Сыр елінің қазіргі қаупі бұл емес, көктемгі су тасқыны. Оны қалай сейілтеміз деп отырғанда дария дүлей мінезін көрсетер болса, жарылғ­ан басты да, сынған қолды да жасыратын жер таппасымыз анық.

 
БІЗ ҮШІН КӨКЖИЕК ҚАШАН КӨРІНЕДІ?
01.03.2012 15:19

Халықтан “халыққа“ хат

Қаланың қай аумағы болмасын, қала мәртебесіне­ ие екені айтпаса да анық, десек те біз тұратын Әл Фараби аймағы шері бітпейтін шет аймаққа айналды. Әкімнің де, шені бар әркімнің де назарынан тыс қалып отырған аймақтың қарапайым халқының амалы құрып, тауы шағылғандай. Олай дейтін себебіміз, қоныстанғанымызға он жыл болса да, соңғы алты жылы­нда осы аймақ мәселесін жырлап келеміз. Біз үшін күн шығатын көкжиек көрінер емес. Талай рет шет аймаққа деп бөлініп жатқан қыруар қаржы қазаны­ бізге келгенде бос қалады. Комсомол мен КБИ шағын аудандарын қосып жатқан Әл Фараби көшесі ұзындығынан да, енінен де кенде емес, жан-жағына тараған көшелер де аз емес.

 
ТЕМІРЖОЛ КӨЛІГІ үміт пен күдік
23.02.2012 10:49

Соңғы жылдары теміржол транспортын пайдаланушылардың қатары едәуір өскен. Бұл қауіпсіз әрі жолақысының тиімділігінен болса керек. Дегенмен, осы пойыз төңірегіндегі мәселелердің түйіні әлі тарқатыл­ған емес. Билеттің болмай қалуы, пойызда жолаушы­ларға қызмет көрсету деңгейiнің төмендігі төңірегіндегі мәселелер күн тәртібінен түспей тұр.

 
СЕҢ КЕПТЕЛIСIНЕ ЖОЛ БЕРУГЕ БОЛМАЙДЫ
16.02.2012 11:30

Сақтансаң, сақтайды!

Сырбойылықтар үшін биылғы қыстың қаһары ерекше болды. Қылышын сүйреткен қыстың алғашқ­ы айында-ақ көкжиекті тұман тұмшалап, көп ұзамай-ақ жапалақтай жауған мамық қар қара жердің бетін жапты. Жылда мұндай көріністің куәсі болмаған тұрғындар «ә» дегеннен сол қардың ысқырып келетін ая­зынан қорыққан-ды. Жауған қар, уілдей соққан қысқы жел, қала көшелеріндегі көктайғақ мұз, сықыр­-сықыр ететін сарышұнақ аязда жүрген адамдар… Мұның барлығы көптен бері көрмеген қыстың келбеті. Әсіресе қаңтар айының соңғы онкүндігі адам төзгісіз қатты аяз болды. Тіпті көшеде кісі аяғын басқысыз көк мұзда көлбеңдеп, ұзақ жолға шығу әсте қауіп туғызды. Осындай қаһарына мінген қатты аяздард­а Сыр жұртшылығын дариян­ың ахуалы алаңдатқаны рас. Өйткені қыс келсе болғаны дүлей мінезді дария деңгейі көтеріліп, су тасу қаупі туатынын ел-жұрт жақсы­ біледі әрі бұл жайтқа толықтай қанық. Биыл да дария жағасында қоныстанғандардың үрейі жоқ емес. Қатты аязда қатқан мұз күн жылына бастағанда ерісе, онда су деңгейі көтеріліп, арнасынан тасуы­ ғажап емес.

Қазіргі күні Оңтүстік Қазақстан облысымен шектескен тұста су деңгейінің тербелісі сол аумақтағы қатқан мұзға байла­нысты өзгеруде. Облыстық төтенше жағдайлар департаменті берген мәліметтерге сүйенсек, дария жағдайы бірқалыпты. «Сырдария-Шардара» су бекетінде су деңгейі 709 сантиметрді құраса, қалаға қарай секундына 795 текше метр су ағып келуде. Ал Арыс-Шәуілдір су бекетінде қатқан мұз бекеттен төмен бол­ғанымен, су деңгейінің көтерілуі әбден мүмкін. Одан бөлек, Қызылорда облысына қарасты барлық аудан тұстарында мұз қат­қан, кей жерлерде мұздың кептелу жағдайлары орын алса, Төменарықтан бастап Сырдария ауданына дейін дария бетінде сеңді мұз шоғыры бар. Одан әрі Арал ауданына дейінгі дария ахуалы бірқалыпты көрі­неді, дегенмен қатты мұз қату жағдайы тіркелген. Аймақ бойынша ең жоғар­ғы су деңгейі Қармақшы ауданында 660, сонан соң Тасбөгет кенті мен Қызыл­орда қаласында 658 сантиметр тіркелген.

- Шардара су қоймасынан Сырдария өзеніне секундына 800 текше метр су құйылуда, оның 200 текше метрі «Көксарай» су реттегішіне алынып, 600 текше метрі біздің облысқа келуде. Қызылорда су торабына жоғарыдан келіп тұрған судың көлемі секундына 520-530 текше метр. Су торабынан 470-480 текше метр төмен жіберіліп жатыр. Онда судың жоғар­ғы деңгейі 128,70 абсолюттік белгіні көрсетіп тұр. Облыс орталығы тұсындағы мұздың қалыңдығы 50 сантиметрдің көлемінде. Қазіргі күні қала бойынша судың деңгейімен қатарлас қорғаныс бөгеттері салынып, бақылауда тұр. Қауіпті сейілтіп, апаттың алдын алу мақсатында күн­де­лікті кезекшілік ұйым­дасты­рылған, - дейді «Қазсушар» шаруашылық жүргізу құқы­ғындағы республикалық мемлекеттік кәсіпорнының Қызылорда филиалының «Қазсушар» өндірістік учаскесінің бастығы Ж.Нұрым­бетов.

Ауа райы әзірше бір­қалыпты температурада тұр­ғандықтан, су бетіне қатқан мұздан ешқандай қауіптің жоқтығы айтылуда. Дей тұр­ғанмен, Қызылорда облысының жұмылдыру дайындығы, азаматтық қорғаныс, авариялар мен дүлей зілзалалардың алдын алуды және жоюды ұйымдастыру басқармасы үстіміздегі жылға бекітілген жоспарға сәйкес жұмыстарын бастап та кетті. Ондағы ең басты мәселе – облыс аумағында су тасқынын болдырмау. Осыған байланысты облыс­тық төтенше жағдайлар комис­сиясының қаты­суымен бір­неше жиын өтіп, Қызылорда облысы бойынша көп мөл­шердегі суды қабылдау іс-шара жоспары әзірленіп, облыс­ әкімі бекіткен болатын. Түйіні оңайлықпен тарқатылмайтын бұл мәселенің күрделілігіне орай үкімет тарапы­нан да алаңдау­шылық бар. «Апат айтып келмейді» деген сөз бар қазақта. Тосыннан су тасқыны болған жағдайда қауіпті учаскелерге арнай­ы инженерлік техникалары бар жауапты мекемелер жұмыстарына тас түйін әзір­леніп отырған көрінеді. Бұл мақсатта тұрғындарды кө­шіруге арналған 78 жинақтау, 96 қабылдау пункттері жасақталған. Төтенше жағдайда тосы­лып қалмас үшін да­йын­далған 456 көліктің 227-сі адам тасымалдауға, 229-ы жүк тасымалдауға қызмет етеді.

Осы күні Тоқтағұл су қоймасында 15440, Әндіжанда 957, Қайраққұмда 3506, Шарбақта 635 млн. текше метр су бар. Ал сыйымдылы­ғы 5200 млн. текше метрді құрайтын Шардара су қоймасына секундына 1200-1300 текше метр су түсуде.

- Қазіргі уақытта күн райы­ның аяздығына байланысты қауіп-қатер төніп тұрған жоқ. Арыс өзенінен бастап Арал ауданына дейінгі мұз 1390 шақырымды құрайды. Мұз қалыңдығы 10-15-тен 60-70 сантиметрге дейін, ал қала маңында 55 сантиметр көлемінде қатқан. Шардара су қоймасындағы су мөлшері былтырғымен салыстырғанда 1 млн. текше метрге артық, яғни өткен жылы 3203 млн. м3 болса, биылғы жылы бұл көр­сеткіш 4279 м3-ке жетіп отыр. Сол себепті де жағдай қиындау болады. Оны сейілту үшін секундына 600 м3 суды төменге жіберу керек. Арнасайға 1,3 млрд. м3 су тастамасақ, қиындықта қалуымыз мүмкін. Бүгінде Сырдарияға 800, Арнасайға 200 м3 су жіберілуд­е, - деп «Арал-Сырдария бассейндік» инспек­циясы басқарма басты­ғының орынбасары Ж.Нұр­сейітов төтенше жағдайлардың алдын алуға бай­ланысты өткен жиында мәлімдеді.

Су тасқынының алдын алу іс-шараларына бөлін­ген 141,2 млн. теңге қаржының 92,2 млн. теңгесі жер­гілікті бюджет есебінен қарастырылды. Мұз жару жұмыстарына 34,2 млн. теңге бөлініп, сол жұмыспен айналысатын тиісті мекемелермен келісімшарт жасалып, бүгінде 4 бригада жасақталуда. Сондай-ақ, аймақ бойынша 174,750 мың дана қап, 87,3 тонна жанар-жағармай қорлары мен 19900 бау қамыс секілді керек-жарақтар дайындалған. Сең жүру кезі­нде Сырдария өзенімен келетін мол суды қауіпсіз қабылдау мақсатындағы жұмыстарды ат­қаруға облыстың қаржы қазанынан қосымша 184 млн. теңге бөлінді. Оны атқар­у кезіндегі жұмыс­тарға барлығы 276,2 млн. теңге қаралып отыр. Бүгін­де осы бағытта су шаруа­шылығы маман­дарымен бір­лесіп жұмыстар ұйым­дастырылуда.

P.S. Күн көзі жылынып, көктем басталар тұста мұз еріп, сең жүреді. Сол кезде қауіп болуы мүмкін. Дария деңгейі жоғары­ көтеріліп тұрғанын жасыру мүмкін емес. Елдің тыныштығын ойлаған да дұрыс шығар, бірақ «сақтансаң, сақтайды» дегенді де ұмытпаған жөн. Сала мамандарының сөздеріне сенсек­, әзірше дариядан төніп тұрған ешқандай қауіп жоқ. Әйтсе де аласұрған су мен алаулаған өрттің тілсіз жау екенін естен  шығармаған  абзал.

Н.ҚҰДАЙБЕРГЕНОВА

 
<< Бірінші < Алдыңғы 21 22 23 24 25 26 27 28 29 Келесі > Соңы >>

Күнтізбе

< Қаңтар 2019 >
  1 2 3 4 5 6
7 8 9 10 11 12 13
14 15 16 18 19 20
21 22 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары