Өзекті мәселелер

  • 12.09.19

    Қасымды түлен түртті. Түрткенде тіпті шектен шықты. Соңғы уақытта ащы суға үйір болды­. Таң алекеуімнен оразасын ішімдікпен ашады. Ішке түскен қызу миында қордаланған уайымын ұмыттырады. Зіл-батпан денесін жеңілдетеді. Отбасымды асыраймын, жеткіземін деп істемеген жұмысы  жоқ. Базарда арба да сүйреді. Жүк түсіруші де болды. Шеберхана ашып, аяқ киім де тікті. Жалданып жұмыс та істеді.

  • 12.09.19

    Қалалық А.Тоқмағамбетов атындағы мәдениет үйінде өткен мемлекет басшысының «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауына арналған Қызылорда қаласының идеологиялық активі мен «Nur Otan» партиясы қалалық филиалының саяси кеңе­сінің бірлескен отырысында басым бағыттар сараланды. Жиынды қала әкімі Нұрлыбек Нәлібаев ашып, жүргізді.

    ...
    Толығырақ...
  • 12.09.19

    Алғашқы 8 айдың қорытындысы бойынша қала қазынасына 12 452,6 млн теңге түсім түсіп, жоспар артығымен орындалған. Дегенмен, салық саласында  түйткілдер тым көп. Мәселен, қала  көлеміндегі 13 базарда 1342 орын, 8 ірі сауда үйінде 915 орын жалға берілген. Базарл­ар мен сауда үйлерінде сауда жерлерін жалға алып, кәсіппен айнал­ысып жүрген азаматтар табыстарын төмендетіп көрсеткен. Бұл жөнінде Қы­зы...

    Толығырақ...
  • 12.09.19

    Облыс әкімі Қуанышбек Ысқақов осыған дейін өңірдегі алты ауданға ат басын бұрып, ауылдарын аралап қайтқаны бар. Сонау солтүстіктегі Арал мен оңтүстіктегі Жаңақорғанға дейін түгел шарлап шықты. Бірақ Ғанибек Қазантаев басқаратын облыс орталығының іргесіндегі Сырдария ауданына табан тіреген жоқ.

  • 12.09.19

    Айжарық  СӘДІБЕКҰЛЫ

    СЕН   ӘЛЕМНІҢ ЖАНАРЫНДАСЫҢ,   АРАЛ!

    Арал атырабын жайлаған экологиялық апаттың дүние-әлемнің жанарына іліккеніне де талай жылдың жүзі аунады. Енді аманшылық болса, жиырм­асыншы ғасырды түгендеп, жаңа жүзжылдықты бастаймыз. Ең өкініштісі сол, алдағы ғасырдың табал­ды­рығынан тәуелсізді...

    Толығырақ...
Арнайы беттер
КИЕ
09.02.2012 10:12

Марал кішкентай күшікті үйіне алып кірді. Анасы Шынар терісіне сыймай ашуланып, сыртқа шығартып тастады. Шешесінен қорыққан қыз күшікті көшеге қоя берді. Көр­шілеріндегі Құтжол жыл сайын күшіктейді. Қыс айы болғасын, үй иесі суықта үсіп қалады деп ойласа керек. Сұрағандарға таратып жатқан болатын. Марал да балалармен бірге біреуін үйіне әкеліп еді. Анасынан басы бәлеге қалды. Шынар өзі ит, мысық дегенге жаны қас. Жанына жуытқысы келмейді. Әкесі қызының көңілін қимаса керек, «болмайды» деуге бата алмады. Содан бері Маралға ермек табылды. Ағасы есік алдындағы ағаштарды құрастырып, үйшік жасады. Марал Ақтөске қатты бауыр басты. Сабақтан келген бойда күшігімен ойнайды. Сол үшін шешесінен талай мәрте сөз естігені бар.

Ақтөс әдемі күшік болып өсіп келеді. Өзі сондай сақ. Үйіне бөтен адам келсе, үріп шығады. Үй иелері оның саққұлақтығына дән риза. Бірде Марал ата-анасымен көкесінің үйіне қонаққа баратын болды. Ағасы үйленіп, той жасап жат­қандықтан, бірнеше күн қалада қонуына тура келді. Марал күші­гін қимай, біраз қиналды. Қарау­сыз қалса, күні не болады деп уайымдап жүр. «Екі күнге ештеңе етпес» деді әкесі. Маралдың іші сезген екен. Екі күнді әрең болдырды. Аулаға енгеннен күшігі алдынан шықпады. Кенет есік алдында сұлап жатқанын көріп, жылап жіберді. Аузынан ақ көбігі ағып, тістері ақсиып қалыпты. Қай жауыздың дәті барып­, өлтірді екен. Кейін білді, көрші әйел үйін айналшықтап шықпай қойған соң дәрі беріпті. Марал осыдан кейін Сақыпты жек көріп кетті. Күшіктің не жазығ­ы бар?..

Көп ұзамай Сақып тамақ ау­руы­на ұшырады. Жасамаған емі, қаралмаған дәрігері жоқ. Олардан қайран болмаған соң емші-тәуіп­ті жағалады. Алланың құдіреті десейші, аурудың емін таппай, қатты қиналды. Бірде Марал анасының әкесіне айтқан әңгімесін естіп қалды. Сақып: «Жазығы жоқ күшікті бекер өлтіріппін. Енді соның азабын тартып жа­тырмын», - деп жылаған көрінеді. Мұны естіген қыз күшіктің киесі ұрғанын түсінді. Ақтөстің аянышты халі көз алдынан кетпейді. Марал Сақыпты қатты аяды. Тамағынан ас өтпеген қиын екен. Көздері үңірейіп, азып кетіпті. Ауырмай-сырқамай бәлеге ұшырағаны түсінік­сіз. Білікті дәрігерлер ауруының себебін анықтай алмай жүр. Сақып соңғы кезде Маралдың күшігін жиі ауызға алатын болыпты. Түн баласы ұйқы көр­мей, жылап шығатын көрінеді. Шырқыраған даусы кісінің денесі­н түршіктіреді. Қыздың кішкентай жүрегі езіліп кетердей. Төсекте жанын қоярға жер таппаған Сақыпқа аянышпен қарайды. Көз алдына тісі ақ­сиып, көздері жәудіреген Ақтөсі келе береді...

ҚАЛДЫҚЫЗ

 
ЖАТ МӘДЕНИЕТ ЖАРАСЫМСЫЗ ЭМО-АРУЛАРДЫ ӨМІРГЕ ӘКЕЛДІ
02.02.2012 09:22

Заманды аздыға санап, жастардың кейбір келеңсіз қылықтарын заманны­ң азуынан тиген дертке балайт­ынымыз бар. Сүттей ұйыған қазақ қоғамында үйде отырып бала табу, маскүнемдікке салыну сы­қылды ерсі әдеттерді өрімдей қыз­дарымыз күнделікті тұрмыс-тірші­лігіне енгізуін де уақыттан тапқан жамандыққа жатқызамыз.

 
ҚОҒАМДЫҚ КӨЛІКТЕГІ КИКІЛЖІҢ
02.02.2012 09:20

Қыс мезгілінің қатаң күндері. Жер беті мұз тайғақ. Жылдың осы бір мезгілінде көшелердің жыртығы жамалып, тесіктері бүтінделіп қалады. Өйткені жапалақтап жауған­ қар ой-шұңқырды тегістеп тастайды. Таң алакөбең атып, түн көрпесі түріле бастаған уақытта әдеттегіше бірі жұмысқа, бірі оқуға асығып аялдаманы бетке алды.

 
“ПАХАННЫҢ” ФУРАЖКАСЫ
02.02.2012 09:18

Қызық болды. Қарамастан қалыңына қардың, дүние-мүлкімді мәшинеме салдым. Сөйттім де қыр асып қызылдың шетіндегі ауылыма бардым. Не керек, біраздан бері ауылдың түтін иісін сезбеген маған самаурынмен шай бере берді, ағайын-туыс, жұрағат бірінен соң бірі келе берді.

 
ҚҰЗЫРЛЫ ОРЫНҒА ҚҰЛАҚҚАҒЫС
02.02.2012 09:06

Қазекеңнің  қыжыртпасы

Қоян жылғы 26 желтоқсанда қаланың шығысынд­а «қызық» болды. «Шұғыладағы» №44 көпқабатты үйдің өжіресіне «воздушка» арқылы­ кіретін жылу жүйесі бұзық болды. Сонан ыстық су аспанға қарай атқылады. Тұрғындар сол аудандағ­ы жылу бөлімшесі мен «Тұрғын үй қызмет­іне» қарай шапқылады... Сонымен, 29 желтоқсан күні арнайы автокөлікпен азаматтар келіп, жылу жүйесінің сыртқы орамдарын ағыта бастады. Ағытқан қаңылтырлар мен шыны мақталарды жерге шашып тастады. Сөйтіп, атқыла­п жатқан «фонтанды» бірден тапты. №42 үйдің сыртынан жылу келетін жүйенің тетігін бірден жапты. Ол кезде күн райы да сынық болатын­, «бес қонақсыз» тынық болатын. Айналай­ын әлгі азаматтар тұрбадағы ақауды адаспай тауып, дәнекерледі. Тұрғындар да оларға­ іштей «Ой, бәрекелді!» деді.

Бірақ, жылу жүйесінің орамдардан ажыра­тылған жері сол күйінде ашық қалды. Тұр­ғын­дар қаңтардағы қақаған аязда қатты сасып қалды. Себебі, сол «қылдай» тұрбалар ашық тұрды. Кісі бойы жетпейтін биікте қашық тұрды. Сол кезде Арқа жақтан суық жел ауып келген еді. Әлгі тұрбадағ­ы су қатып, жылусыз қаламыз ба деп, тұрғындар қауіптенген еді. Сонан­ бері де ай өтті. Дегенмен, нақты іс пен жауап болмады дәйекті. Ашық қалған сол тұр­балар оралмады. Оралмаған соң жылудың жайы пәтерлерде де оңалмады. Тұрғындар шырылдап бөлімшеге телефон шалды.­ Олардан «білеміз» деген жауап қана алды. Алда әлі ақырған ақпан бар. Ертең күн райы – 40, 450 суық болып, ашық-тесік тұрған әлгі тұрбалар­да су қатса, тұрғындар қыруар шығынға батса, жас пен кәрілер сыр­қатқа шалдықса, босып к­етіп баспанасыздыққа малтықса, кім жауап береді? Оның бетін аулақ қылсын­ дейік. Қолдан келмейтін шаруа болса бір сәрі. Құдай-ау, сол тұрбаларды қымтау қолдан­ келетін іс емес пе? Бұл қай мекеменің құзырын­а қарайды.

Жетпіс төрт пәтерлік осы тұрғын үйді ақпанда апаттық жағдайға жеткізбей, әлгі жылу жүйесін жедел орауды қолға алған жөн. «Системада циркульяция болса, су қатпайды» деген «теоремаға» тым сене беруге де болмас.

 

Дәметудің дәуірі

Біреуге ісің түскен сайын,

Ол қармап қалуға қайым.

Қалтаңда дым болмаса,

Дөрекілік білдіруге дайын.

Иә, солай!

Досың да ақша дәмететін болды...

Қасың да ақша дәмететін болды...

Жас та дәмететін болды...

Кәрі де дәмететін болды...

Ақырын жай астарлап,

Бәрі де дәмететін болды...

 

Ұрының  түрін  ұмытпа!

Ұрының қасы қағылмайды,

Екі көзі жабылмайды.

Жан-жаққа алақтап тұрады,

Жалмауызша жалақтап тұрады...

Қарны үнемі ашып тұрады,

Қаны бетінен қашып тұрады.

Жүрісі тым жылдам болады,

Қол қимылы жылмаң болады...

Ал, көпшілік жиылған жерде,

«Жан-жақты» болады...

Мінезі де «салмақты» болады.

Өзін-өзі «періштемін!» дейді,

«Өзгесің!» десең, «келіспеймін!» дейді.

***

Ұрыда ұят болмайды,

Миына ақыл қонбайды.

Ұяты болса ойлашы,

Істемес еді ондайды.

Ұрлықтың түбі қорлық қой,

Ондайлар түбі оңбайды!

 

Мен  осылай байыдым

Кешегі елең-алаңда,

Көштен мен де қалам ба?!

Бір беделдімен байланысып,

Крупный бизнеспен айналысып...

Қаржыдан қор жинадым.

Қаржы болғанмен уысымда,

Тарығып отырған туысыма,

Қарасуға қаржыны қимадым.

Әйелдің заңды бір түрін  алдым,

Автокөліктің түр-түрін алдым.

Бес-алты жерге САРАЙ салдым,

Жан-жағыма қарай салдым.

Шетелдерде көп демалдым,

Еш жерім ауырмаса да,

Ұзақ өмір сүру үшін көп ем алдым.

Көңілдестерімнің біріне,

Тамаша жерден үй алып бердім.

Енді біріне,

Тым керемет сый алып бердім.

Біреуін серуендеуге Батысқа жібердім,

Екіншісін сонау АҚШ-қа жібердім.

Шүкір, қазір дәулетім бар,

Көз тартатын сәулетім бар.

Ағайын-туыс қажет емес,

АҚША деген әулетім бар.

Кім не десе, о десін!

Солай!

 

Алаяқтың   ақыры

«Пәтер алып берем!» - деп,

Аңқаудан біраз ақша алды.

«Кейін анық берем!» - деп,

Әркімнен қарыз жақсы алды...

***

Аңқаулар сөйтіп аш қалды,

Алаяққа іздеу басталды...

«Пейіште» жатқан жерінен,

Полиция бас салды.

 

Көршілердің  қылығы

(Кейбіреулерге  қатысты)

ПЕЙІЛ мен ПИҒЫЛ

Пиғылға сай қимыл...

Жаратқанның жердегі,

Пендесіне берген сый бұл.

Екеуінің тұрағын,

Келмейді хан сарай деуге.

Ежелден орны тұратын,

Жай ғана қуыс кеуде.

 

Көрші тұрған жасынан,

ҚАНАҒАТ пен ҰЯТТЫ,

Күн көрсетпей қасынан,

Қуып шыққан сияқты.

 

Қуыс кеуде кім білсін,

Пейілге тарлық етті ме?!

Пиғылдан да кім білсін,

Ар-ұят мүлде кетті ме?!

Иә, кім білсін?..

Қазыбек   ӘШІРБЕКҰЛЫ

 
<< Бірінші < Алдыңғы 431 432 433 434 435 436 Келесі > Соңы >>

Күнтізбе

< Қыркүйек 2019 >
            1
2 3 4 5 6 7 8
9 10 11 12 13 14 15
17 18 19 20 21 22
23 24 25 26 27 28 29
30            

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары