Өзекті мәселелер

  • 17.05.18

    Адам тағдырының ақ-қарасын таразылау үлкен төзімділік пен қажырлы еңбекті талап етеді. Бар ғұмырын сот төрелігін атқаруға арнап, ардың ауыр жүгін арқалауға бел буған әділ қазылар қашанда қадамын қате жасамауға тырысады. Судья атты қасиетті ұғымға кірбің...

    Толығырақ...
  • 17.05.18

    Мұрат  НАСИМОВ,

    саяси  ғылымдарының  кандидаты,

    қауымдастырылған  профессор,

    Толығырақ...

  • 17.05.18

    Нәзипа – қарапайым ғана ауылдың қара торы келіншегі. Осыдан 11 жыл бұрын ата-анасының қолынан ұзатылып, өзге босағаны аттаған еді. Бүгінде жасы 36-да. Адал жары, 3 баласы бар. Екі жыл бұрын әкесі өмірден озар шағында, «осы үй мен аналарың сендерге аманат, бас-көз  болыңдар» деп қызы мен күйеубаласына табыстап кеткен. Содан бері бұлар жалдап жүрген пәтерлерін біржола тастап, осында көшіп келген....

    Толығырақ...
  • 17.05.18

    Статистикалық мәлі­меттер бойынша елімізде болатын қылмыстардың үштен бірі тұрмыстық зорлық-зомбылықтан орын алады екен. Ал бұл ретте қара күштің иесі ер-азаматтардан, әсіресе, әйелдердің таяқ  жеп, зардап шегетінін ескерсек, олардың тұрақтар жерге зәру болатыны анық.

    Қаламыздағы «Қамқорлық» дағдарыс орталығы дәл осындай жағдайға тап бол­ғандарға қол ұшын созады, уақытша болса да панала...

    Толығырақ...
  • 17.05.18

    Айтыстың   абаданы  Серік ағам 60-қа келіпті. Ұлтының уызына жарығ­ан елдің еркесі Серік Ыды­рысовтың Сыр елі үшін орны бөлек. Сәкеңді өзімнің аяғым сынып, бауыр­ымнан  айырылып, қайғының уын ішіп жүрген көңілсіз күндердің, мазасыз түндердің бірінде ұялы телефо­н арқылы іздедім. 2017 жылдың 24 қыркүйегі түнгі сағат 11-ден 36 минут өткенде хабарлама жібер­дім. «Серік ағам бар ма екен кең дүниед­...

    Толығырақ...
Мәселенің мәнісі
ТАЗАЛЫҚ ТАБАЛДЫРЫҚТАН БАСТАЛАДЫ
01.11.2012 10:33

Адамзат баласы ауасыз өмір сүре алмайды. Таза ауа адамның денсау­лығын, іске қабілеттілігін нығайта отырып, оның ұзақ өмір сүруіне көмектеседі. Бұдан 40 жылдай бұрын Сырдария өзені қысы-жазы толқынданып, кемерінен асып, көлдердің суы тасып, қаз-үйрек қонып, балықтары тулап, өзен жағасы сыңсыған тоғай, қырға­уыл құстың әсем дауысы, жиденің мұрын жаратын иісі көңіліңді көтеріп, көкірегің ашылып, беймарал күйге түсіретін. Ал, қазіргі уақытта сол Сырдария өзенінен жаз айларында әрлі-бері жаяу өтетін жағдайға жеттік.

 
АҒЗА САУДАСЫ сананы сан-саққа жүгіртіп тұр
18.10.2012 12:01

Ескі әңгімелерден «Хиуаның базарын­да адамның басынан бас­қаның бәрі сатылады екен» деген теңеу­ді естігенімізде, әлемдегі жарал­ғанның барлығының өз бағасы бар деп ойлаушы едік. Яғни адам мүшелерінен басқаның барлығы сатыла­ды деп түсінетінбіз. Енді қазір сол адам мүшелерінің өзі «қара базар» саудасына түсіп кеткенін естідік. Әдепкіде оның бағасын кім белгілеп қойыпты, еліміздің заңы оған жол бермейді деп, селқостық таныттық. Алайда, мына бір деректерді оқығанда «апыр-айлап» жаға ұстадық та қалдық. Онда: «Бүйрек – 30-120 мың доллардан (адамның жасы мен жағдайына байланысты). Жүрек 80 мың доллардан жоғары. Бауыр 50 мыңға табылады. Жұлын керек болса, 30 мың долларды дайындас­аңыз жетіп жатыр. Ал сау өкпе керек болса, 100 мың доллар төлейсіз. Тіпті мүшелерді келілеп те сататындар бар. Мысалы, ми сүйектерінің 1 келісі 20 миллион дол­ларды құраса, ДНК молекуласының 1 грамы 1-2 миллион долларға дейін қарыштап тұр.

 
БҰЛ НЕҒЫЛҒАН БАТПАН ҚҰЙРЫҚ
04.10.2012 14:01

Кейіпкер  кейпіне  енгенде

Кезінде тарихы терең Жібек жолының қызған сауда орталығына айналған қазақ даласында бүгінде маркетинг атау­лы жаңбырдан кейінгі саңырауқұлақтай қаптап кетті. Оның ішінде желілік маркетинг тұрмысымызға сіңісіп, өмірімізге «араласқалы» қашан. Екінің бірі сауда-саттықтың осы түріне жұмыс жасайды. Осыдан екі-үш жыл бұрын қыз-келіншектеріміз «Faberlіc», «Orіflame», «Avon», «Mary Kay» компанияларының тауарларын жарнамалап жүретін еді.

 
ҚАЗАҚ ТІЛІНЕ ҚЫРЫН ҚАРАСА, ЖАЛАҚЫСЫ ТӨМЕНДЕЙДІ
27.09.2012 11:25

Жасыратыны жоқ, ана тіліміз үнемі тасада қалып келеді. Қоғамдық орындарда «еңкейген қариядан еңбектеген балаға дейін» өзге тілде сөйлеседі. Тіпті орыс тіліне шорқақтар да оны меңгерудің қамымен бас ауыртып жүргенін талай көрдік. Қазағы басым деген Қызыл­орданың өзінде бұл жайт көп кездеседі. Қазақ тілі әйтеуір құрдымға кетіп қалмаса игі деп жүргеннен басқа қолдан келер шара жоқ. Ана тілді ұлықтау мақсатында түрлі шаралар қолға алынып, ресми құжаттарды мемлекеттік  тілге көшіреміз дегенімізбен, бұдан әлі нәтиже шығар емес. Бірақ астаналықтар ана тілдің абыройын асыруға байланысты жаңа тәсіл ойлап тауыпты. Астанадағы агротехникалық уни­верситет оқытушылары енді келер­ айдан бастап қазақ тілін қаншалықты меңгергендігіне байланысты жалақы алады. Бұл туралы Еуразия бірінші арна­сына университет ректоры Ақылбек­ Күрішбаев мәлімдеді. Енді бұл оқу ордасындағы әрбір факультетте, әрбір кафедрада қазақ тілінде жүргізілмеген іс қағазы болса, олар жалақыны төмен алатын болады. Өзге ұлттың қазақ тілде сөйлегеніне масаттанғанша, өз ана тілімізді осылай меңгеріп алғанымыз жөн. Бұл «аюға  намаз  үйреткен таяқтың»  қазіргі  баламасы  іспетті.

Т.ЖОМАРТҰЛЫ

 
ЖАҢАШЫЛДЫҚТЫҢ САЛДАРЫ ана тілімізге құрметті азайтып жүрмей ме?
27.09.2012 11:24

Жылда жаңа оқу жылы жаңалықтармен басталатыны дәстүрге айналды­. Оқу ордаларында қоңыраудың соғылғанына бір айға жуықтаса да, оқушылар оқу құралдарын әлі түгендей алмай, сапырылысып жүр. Бұл - өткен жылдары енгізілген жаңашылдықтың салдары. Енді биылдан­ бастап еліміздегі 165 мектепте екінші сыныптан бастап ағылшын тілін оқыту қолға алынды. ҚР Білім және ғылым министрлігінің сайтында келер жылы бірінші сыныптан бастап ағылшын тілі оқытылатындығы айтылған. Оның үстіне өзге пәндерді де ағылшынша үйрету тәжірибесі іске асырылмақ. «Өзге тілдің бәрін біл, өз тіліңді құрметте» деген нақыл­ бар. Енді мамандардың «ағылшын тілін бала ерте жастан үйренсе, жақсы­ қабылдайды» деген пікіріне қосылуға болады. Бірақ артық қыламыз деп, тыртық қылып алмасақ болғаны. Өзге пәндерді де ағылшын тілінде оқытатын­ болсақ, ана тілімізге деген құрмет азайып кетпей ме? Онсыз да қазақ тілін бастауыш сыныпта ежелеп оқи алмай жүрген балалар ағылшынш­а білім аламын деп, білімсіз болып қалмай ма? Осы секілді мазалайтын сұрақтар көп. Заман талабы деп, білімсіз ұрпақ тәрбиелеп жүрмесек болғаны, әйтеуір.

Т.ӘЛЖАНОВ

 
<< Бірінші < Алдыңғы 111 112 113 114 115 116 117 118 119 120 Келесі > Соңы >>

Күнтізбе

< Мамыр 2018 >
  1 2 3 4 5 6
7 8 9 10 11 12 13
14 15 16 17 18 19 20
21 23 24 25 26 27
28 29 30 31      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары