Өзекті мәселелер

  • 14.02.19

    «Бұл ән бұрынғы әннен өзгерек» демекші, өңірлік коммуникациялар қызметінде қала әкімі Нұрлыбек Нәлібаев баспасөз брифингін өткізді. Жасыратыны жоқ, бұған дейін бас шаһардың басшысы баспасөз алаңына ат басын бұрған емес. Өйткені, облыс орталығында өңірдегі БАҚ-тың басым бөлігі орналасқан. Сондықтан мұны ақпандағы эксклюзивті кездесу десек те болады. Жыл басында журналистермен жүздесуге жақсы...

    Толығырақ...
  • 14.02.19

    ҚР Бас прокуратурасы баспасөз қызметін­ің хабарлауынша, өткен жылы республика бойынша 2,4 млрд теңге еңбекақы берешегі өндіріліпті. Соның 191 млн теңгесі біздің облысымызға тиесіл­і екен. Облыстық прокуратураның баспасөз қызметінің мәліметінше, қадағалау актісімен 13 мың жұмысшы алдындағы 191 млн теңге жалақы қарыз өндірілген.

  • 14.02.19

    Нағыз жігіттерді еркек деу дұрыс емес, еркек – адамның жынысын білдіретін атау ғана. Қазақ халқы ер адамды ерекше сыйлаған, киімін баспаған, алдын кесіп өтпеген, сөзін тыңдаған, алдындағы асқа одан бұрын қол тигізбеген, т.с.с. Десе де, бұл қазір мұндай емес дегенді білдірмейді. Әйелден бір саты жоғары тұрған ер-азаматтардың да өз биігінен түсіп кетіп жүргендері бар. Ер жігіт ретінде өте...

    Толығырақ...
  • 14.02.19

    Әрбір  әйел  қауымы көрікті болып, бет терісіне ерекше назар аудару керек. Күтім жасап, әсем де нәзік болып жүретін бұрымдылар сырт көзді де тамсантатыны рас. Осы тұрғыда қыз-келіншектердің бет терісінің күтімі жөнінде не айта аламыз? Олардың бет терісінде жиі кездесетін мәселе қайсы? Сау әрі әдемі келбетті сақта­у  үшін  қайтпек  керек?

    Қазіргі таңда сұлулықтың құны жеңіл еместігі бесе...

    Толығырақ...
  • 14.02.19

    Мен «Халық» газетінің 6.ХІІ.2018 жылғы санында «Тұмар  ханым» бетінде жарияланған «Өзі үшін» некесіз бала тапқысы келеді» тақырыбындағы мақаланы оқыдым. Тақырып­қа орай көңіл түкпірінде жүрген ойларды қағаз беті­не  түсіргім  келді.

Құқық құрығы
КАФЕДЕ ҚАРУ КЕЗЕНГЕН КОМАНДИР
05.04.2012 11:04

Соттың  соңғы  сөзі

Қармақшы аудандық соты 2012 жылғы 23 ақпанда Қармақшы ауданы және Байқоңыр қаласы бойынша мамандандырылған күзет қызметі басқармасы полиция взводының командирі Ерболат Раис­овтың бас бос­тан­дығын 3 жылға дейін шектеу жөнінде үкім шығарды.

Оқиға былтыр қа­рашаның 24-інде бол­ған. «Бар жаманшылықтың бастауы – арақ» деген рас-ау, осы... Облыстық прокуратураның мәліме­тінше, Е.Раисов Жосалы кентіндегі «Думан» кафесінде Е.Кобжанов есімді танысымен отырып, қатты «сілтеп» жіберсе керек. Ішім­дік­тің қызуы қойсын ба, екеуі одан шығып, «Мағжан» кафесіне қарай тартады. Кафеге кірген бетте­ Е.Раисов қарсы жолы­ғысқан Б.Утжановты ұрмақ болады. Әйтеуір, Б.Утжанов бұғып қалып, соққыны өзінен өткізіп жіберген. «Арақ бар ма?» деген сұрағына сатушы А.Сарбалова кафеде арақ сатылмайтынын айтып, «Есікті жабамыз» деп жауап­ берген. Бұл «жігіт­тік намысына» тіпті қат­ты тиіп кеткенге ұқсайды. Е.Раисов кафенің кіреберіс бөлмесінде «ПМ-9» модельді қызметтік тапаншасын белі­не тағылған кобурадан шығарып, қаруланып алып, қайтадан ішке кіреді. Онда сыра ішіп отырған Қ.Әбенов, О.Камулов және Е.Сырмановтарға себепсіз тиісіп, тапаншасын оқтап, көңіл кө­теру  орнының төбесіне­ қарата бір рет оқ атып, көпшіліктің зәре-құ­тын қашырған. Екіншісінде терезені көздеп, быт-шытын шығарады.

Құқық қорғау органы қызметкерінің қылмыс жасауы қоғамдық сілкініс туғызарлық себеп­ екені белгілі. Е.Раис­овтың ісін тергеу және қарау кезінде осы жағы назарда болды.­

Н.ШАМАУ

 
Теміржол төңірегіндегі «ЕСЕПТЕН ЖАҢЫЛЫСУ»
29.03.2012 15:08

«Арал өңiрiндегi экологиялық қасiрет салдарынан зардап шеккен азаматтарды әлеуметтiк қорғау туралы» заң талаптары Қызылорда көлік аймағындағы мекемелерде қалай сақталуда?

Бұған жауап іздеген көлік прокурорлары жұмысшыларға экологиялық қолайсыз аймақтарда тұ­руына байланысты тиісті өтемақылар сомасының дұрыс есептел­мегенін анықтады. Заңның 3, 4-баптарына сәйкес Арал мен Қа­залы аудандары эко­логиялық апат аймағы, ал аудандардың қал­ғаны, сосын Қызыл­орда мен Байқоңыр қалалары экологиялық дағдарыс аймағы саналады. Талдау қорытындысы көрсеткендей, жұмыс берушілер Арал аймағының экологиялық қолайсыз аудан­дарында тұрғаны үшін экологиялық төлемдерді пойыздар қоз­ға­лысымен тікелей байланысты жұмысшылар үшін белгіленген І разрядтың сағаттық тарифтік ставкасы тұр­ғысынан есептеген.

 

 
ӘКІМ һәм заңсыз ӨКІМ
22.03.2012 18:41

Байқоңыр қалалық прокуратурасына қала тұрғындары А.Қадырханова мен Г.Тұрманова Төретам кенті әкімшілігі тарапы­нан еңбек құқықтарының бұзыл­ғаны жайында арызданған-ды. Арыз негізсіз емес екен.

Кент әкімшілігінде Г.Тұрманова 2004 жылдан, ал А.Қадырханова 2010 жылдан бері еңбек етіп келіп, осы қаңтар айының 5-інде жұмыстан заңсыз босатылған. Аппар­атта келісімшартпен жұмыс істеп жүргендердің еңбек шарттарын қайта қарау жөніндегі әкімнің 05.01.2011 жыл­ғы өкімі бойынша аталған салықшы маманд­армен қайтадан шарт жасалып, мерзім 31.12.2011 жылға деп бекітіліпті. Еңбек Кодексінің 54-бабының 1-тармағының 3-тармақшасын негізге алған кент басшысы келісімшарт мерзімінің одан әрі ұзартылмайтынын хабарлап, ескертпе хат бергеннен кейін, әлбетте, Г.Тұрманова мен А.Қадырханова орындарынан кеткен. Бірақ оларды қызметтен бұлай босату заң талаптарына мүлдем қиыспайды. Еңбек шарттары белгілі бір жұмыстың орындалу, жұмыста уақытша бол­маған қызметкерді ауыстыру,  маусымдық жұмысты орындау уақытына қарай жасалмаған­. Оның үстіне, қолданылу мерзiмi аяқталған кезде­ тараптардың бiрде-бiрi тәулiк iшiнде еңбек қатынастарын тоқтатуды талап етпег­ен.

Осыған орай қалалық прокуратураның наразылығымен кент әкімінің Г.Тұрманова мен А.Қадырханованы жұмыстан босату туралы өкімдерінің күші жойылып, қорытындысында екеуі де қайтадан өз жұмыстарына қабылданды.

 

Қызылорда облыстық прокуратурасының баспасөз қызметі

 
ҚУТАҚЫМ ТIРЛIКТЕГI ҚҰЛҚЫННЫҢ ҚАМЫ
15.03.2012 10:57

Былтыр елімізде 206 801 қылмыс дерегі тіркелген. Бұл алдыңғы жылғыдан 56,8%-ға артық. Статистика агенттігінің мәлімдеуінше, қылмыс жасаған 83 703 адамның 12,4%-ын әйелдер құрап отыр. Қутақым тір­лікте жанталасып жүріп жаза басқ­аны үшін жыл сайын орта есеппен 36-37 мың адам, соның ішінде 3-4 мың әйел сотталады екен. Тағы статистикаға көз жүгіртеміз. Өткен жылы, мысалы,­ 3 172 болды. Олардың 1 010-ы бас бостандығынан айрылса­, 992-сіне шартты жаза тағайындалған. 422 әйелдің ашу үстінде, 2-еуінің «шегіп алып» қылмыс жасағаны анықталды. Басым көпшілігі, яғни 2 174-і жұмыс істемейді, енді біреулері өз бетінше нан пұлын тауып жүрсе керек. Мемлекеттік және лауазымды қызмет тізгінін ұстағандар да аз ұшыраспайды. Өрімдей оқушы һәм студент қыздарға дейін өз болашақтарына балта шауып жатыр. Өкініш­ті-ақ. Білім дәрежесіне қарай сараласақ: 764-і – жоғары,  523-і – орта арнайы, 1 568-і – орта білімді.

 

 
МАЗАСЫ КЕТКЕН МЕКТЕПТЕР
15.03.2012 10:46

Жаңақорғандағы №3 мектеп-интернат пен №51, 56, 167 орта мектептердегі санитарлық жағдай­  сын көтермейді. Мұны аудандағы білім саласының 2010-2011 оқу жылындағы аужайын СЭС мамандарымен тізе түйістіре отырып бажайлаған прокурорлар анықтады.

240 орынға шақталған кенттегі №3 мектеп-интернатта бүгінгі күні 359 оқушы білім алуда: 169-ы – әлеуметтік қолдауға мұқтаж отбасындағы, ал 9-ы – жетім және ата-анасының қамқорлығынсыз қалған балалар. Олардың құқықтары сақталып отырмағаны да осы тексеру кезінде белгілі болды. Парталардың әбден тозығы жеткен, оқушылардың жас ерекшеліктеріне сай келмейді. Жатын бөлмелердегі кереуеттер ауыстыруды қажет етеді және  4 балаға арналған кей бөлмеде 6-8 баладан жатыр. Оқу бөлмелері де тар. Сыныптардың көбінде 25-39 оқушыдан бар, кейбірінде бір партада 3 оқу­шыдан отырады. Су құбырлары шіруге қарапты, жеке бас тазалығы үшін асхананың оң жағында қолжуғыштар орналасқан, ал раковиналары шұрық-тесік. Балалар тамақтанатын екі залдағы орындықтар жарамсыз күйде, ыдыс-аяқты жаппай жаңаламаса болмайды. Тағысын тағы, осындай олқылықтар жетіп артылады.

 
<< Бірінші < Алдыңғы 81 82 83 84 85 86 87 88 Келесі > Соңы >>

Күнтізбе

< Ақпан 2019 >
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

Сауалнама

Аса мәртебелі шенеуніктердің қылмысқа шатылып жатқандығы нені аңғартады?
 

Ауа райы

Валюта бағамы

Қазақстан Республикасының Ұлттық Банкі валюталардың ресми бағамдары