АРАЛДА ЖОҒАЛҒАН БАЛЫҚШЫЛАРДЫҢ БІРЕУІ ӨЛІ КҮЙДЕ ТАБЫЛДЫ | Print |
06.11.2019 16:28

Қызылорда облыстық жұмылдыру дайындығы басқармасының мәліметі бойынша, 5 қараша күні сағат 16:00 шамасында 1 балықшының денесі теңіздің 8-ші балық аулау учаскесінде су бетінен табылды. Екінші балықшыны іздестіру жұмыстары жалғасуда. Оған облыстық ТЖД-нен 1 техника, 1 қайық, 4 адам және жергілікті балықшылар қатарынан барлығы 53 қайықпен 115 адам жұмылдырылуда. Сонымен қатар, облыстық жұмылдыру дайындығы басқармасы тарапынан әуеден бақылау үшін ұшқышсыз ұшу аппаратымен (дрон) іздестіру жұмыстары жүргізілуде. Сондай-ақ, жергілікті атқарушы органның ұйымдастыруымен 8 техника, 20 адам күшімен жағалаулар тексерілуде.