«Үздік жас мемлекеттік қызметші» конкурсы өткізілді | Print |
21.06.2018 15:06

23 маусым - Мемлекеттік қызметшілер күніне орай Жалағаш ауданы жастарының «Темірқазық» қоғамдық бірлестігінің ұйымдастыруымен Жалағаш ауданы әкімі аппаратының мәжіліс залында жас мемлекеттік қызметшілер арасында «Үздік жас мемлекеттік қызметші» конкурсы өтті. Конкурсқа кент және ауылдық округтерден жас мемлекеттік қызметшілер қатысты. Іріктеуден өткен 6 мемлекеттік қызметші конкурс барысында өздерін таныстырып, жағдаяттық сұрақтарға жауап берді. Конкурс қорытындысы бойынша, мәдениет және тілдерді дамыту бөлімінің бас маманы Е.Әбуов «Үздік жас мемлекеттік қызметші» атанса, Таң ауылдық округі әкімі аппаратының бас маманы Т.Шәдмахан І орынды иеленді. Ал, Жалағаш ауданының құрылыс, сәулет және қала құрылысы бөлімінің бас маманы А.Берікұлы ІІ орын, Бұқарбай батыр ауылдық округі әкімі аппартының бас маманы Д.Ибраев жүлделі ІІІ орыннан көрінді. Барлық қатысушыларға және жеңімпаздарға Диплом және Алғыс хаттар Мемлекеттік қызметшілер күніне орай аудан әкімінің қатысуымен өткізілетін салтанатты шарада табысталатын болады.

Аудандық ішкі саясат бөлімі