Ойпырмай, ә! | Print |
08.02.2018 10:23

Ойпырмай, ә!

Жануарлар да жүреді,

Алдыңа салып айдасаң.

Жағымпаз жақтап «үреді»,

Жақында тақтан таймасаң.

Жылқыны жұрт біледі,

Семірер баптап байласаң.

Күлмесхан да күледі,

Құлқынын ептеп майласаң.

Өтпес пышақ өтеді,

Шарыққа ұстап қайрасаң.

Шешен боп «сақау» кетеді,

Сәл жоғары сайласаң.

 

Жымы ұзақ жұмбақ

Жақтау мен жағынуға ұста болды,

Майысқақ қалайы мен мыс та болды.

Кісіге  күні  түскен «көкелеумен»,

Көкке дайын ұшуға құс та болды.

Бұндайлар  жаныңа да жолай  қоймас,

Басыңнан бақыт құсы ұшса болды.

(Жағымпаздар)

Қазыбек   ӘШІРБЕКҰЛЫ